FOTO/ Mësuesja e kërcimit abuzon seksualisht me 2 nxënës

Një mësuese kërcimi është akuzuar se ka abuzuar seksualisht me dy prej nxënësve të saj, ndërsa policia dyshon se mund të ketë edhe viktima të tjera. Emily Pryor Albino, 23 vjeçe, u jepte mësim fëmijëve në studion e kërcimit X-Treme Dance Studio në Laurel, në shtetin amerikan të Delaware, përpara se të arrestohej pas një denoncimi që alarmoi autoritetet.

Studioja e kërcimit në Delaware, sipas faqes së saj në Facebook, ofron kurse për të gjitha moshat, nga fëmijët e vegjël deri te të rriturit që merren me aktivitet fizik.

Policia mori të martën një denoncim se Albino dyshohej se kishte abuzuar seksualisht me dy nxënës adoleshentë të kursit të kërcimit. Hetuesit nisën menjëherë hetimet dhe e arrestuan 23-vjeçaren dy ditë më vonë.

Ajo u akuzua për katër vepra penale të abuzimit seksual të një të mituri në shkallën e parë. Sipas policisë, e dyshuara kishte shkëmbyer edhe mesazhe me përmbajtje eksplicite me nxënësit e saj. Autoritetet nuk kanë bërë publike moshën dhe gjininë e viktimave të dyshuara.

Në një zhvillim shqetësues, hetuesit besojnë se Albino mund të ketë abuzuar edhe me nxënës të tjerë të studios së kërcimit, të cilët ende nuk janë paraqitur pranë autoriteteve.

Instruktorja e kërcimit u arrestua të enjten dhe u la në burg kundrejt një garancie prej 110 mijë dollarësh, sipas autoriteteve. Nëse shpallet fajtore, 23-vjeçarja rrezikon burgim të përjetshëm.

Sipas Daily Mail, ajo punonte së bashku me nënën dhe motrën e saj në studion X-Treme Dance Studio. Deri më tani, as nëna dhe as motra e saj nuk janë akuzuar për ndonjë vepër penale.

The Sun ka bërë të ditur se ka kontaktuar studion e kërcimit për një koment mbi çështjen. Ndërkohë, ky rast vjen pasi një tjetër mësuese, 25 vjeçe, u arrestua në SHBA, e dyshuar se kishte kryer marrëdhënie seksuale me një nxënës në automjetin e saj dhe në një depo brenda ambienteve të shkollës.

Bëhet fjalë për Maria Nichols, mësuese e biologjisë në shkollën Alexander High School në Douglasville, në shtetin e Georgias. Sipas autoriteteve, Nichols akuzohet se më 23 prill kishte kryer marrëdhënie seksuale me një nxënës në një depo mes klasave të shkollës. /PiranjatNews/

Galeria fotografike (

)