Kim Kardashian ka rrëfyer se kishte dyshime përpara martesës me ish-basketbollistin e NBA-së, Kris Humphries, por vendosi të vaz...
LIFESTYLE
I dërgoi një video erotike koleges, bankieri pushohet nga puna. Duhet të paguajë edhe 5 mijë euro
PiranjatPërditësimi i fundit 23 March 2026, 17:35
Një punonjës banke në Faenza, në provincën e Ravenës, është pushuar nga puna në mënyrë të menjëhershme pasi ka dërguar në emailin e punës një video erotike të një kolegeje. Ai jo vetëm që humbi vendin e punës, por tani është detyruar edhe të paguajë 5 mijë euro shpenzime gjyqësore.
Ngjarja daton në korrik 2025, kur burri punonte në një degë lokale banke. Ish-punonjësi i kishte dërguar një kolegeje në emailin e kompanisë një video, duke i kërkuar ta shkarkonte për të, pasi vetë nuk arrinte ta hapte. Por videoja prej 45 sekondash nuk kishte asnjë lidhje me punën. Në të shfaqej një kolege tjetër e zhveshur dhe në poza erotike. Gruaja që e mori videon nuk hezitoi dhe ia përcolli menjëherë drejtuesve të degës.
Rezultati: pushim i menjëhershëm nga puna. Megjithatë, ish-punonjësi vendosi ta kundërshtojë vendimin në gjykatë, duke kërkuar rikthimin në punë dhe dëmshpërblim. Por gjyqtari i Gjykatës Civile të Ravenës nuk ishte dakord. Në vendimin e shkallës së parë e rrëzoi kërkesën, duke konfirmuar largimin nga puna dhe duke e dënuar gjithashtu të paguajë 5 mijë euro shpenzime gjyqësore.
Burri u përpoq të mbrohej duke thënë se bëhej fjalë për një gabim, por kolegia deklaroi në gjykatë: “Vetëm pasi ma dërgoi videon, ai më tha se duhej të punonim bashkë, vetëm unë dhe ai. Kjo më preku shumë profesionalisht dhe moralisht, dhe nuk e kam përjetuar mirë periudhën që pasoi”.
Sipas gjyqtarit, nëse burri do të kishte vërtet nevojë për ndihmë për shkarkimin e videos, do t’i drejtohej stafit teknik dhe jo një kolegeje nga marketingu, me të cilën nuk kishte pasur më parë marrëdhënie pune. Prandaj, sipas gjykatës, ai kishte shkelur kodin etik të kompanisë. /PiranjatNews/
