Microsoft po ofron një plan të ri për largim vullnetar nga puna për rreth 60,000 punonjës në Shtetet e Bashkuara, Kanada, Indi dh...
LIFESTYLE
I përkiste të mbijetuarës së tragjedisë/ Shitet për mbi 900 mijë dollarë jeleku i shpëtimit nga fundosja e Titanikut
PiranjatPërditësimi i fundit 21 April 2026, 18:54
Një jelek shpëtimi i përdorur gjatë tragjedisë së fundosjes së anijes së e Titanikut është shitur në ankand për plot 906 mijë dollarë, duke dëshmuar edhe një herë interesin e madh global për historinë e anijes legjendare.
Jeleku i shpëtimit i përkiste Laura Mabel Francatelli, një pasagjere e klasit të parë që arriti të mbijetonte natën e fundosjes. Jeleku u shit për 670 mijë paund, shumë mbi vlerësimin fillestar prej 250–350 mijë paundësh.
Objekti mban firmat e Francatellit dhe të mbijetuarve të tjerë nga e njëjta varkë shpëtimi, çka e rrit ndjeshëm vlerën e tij historike dhe koleksionuese.
Në të njëjtin ankand, një jastëk nga një varkë shpëtimi u shit për 390 mijë paund, duke reflektuar interesin e lartë të koleksionistëve për objekte të lidhura me Titanikun.
Drejtuesi i ankandit, Andrew Aldridge, deklaroi se çmimet rekord tregojnë jo vetëm interesin e vazhdueshëm për këtë ngjarje historike, por edhe respektin për viktimat dhe të mbijetuarit.
RMS Titanik, e konsideruar si anija më luksoze e kohës së saj, u mbyt më 15 prill 1912 pasi u përplas me një ajsberg gjatë udhëtimit të parë drejt Nju Jorkut. Rreth 1,500 nga 2,200 personat në bord humbën jetën.
Më shumë se një shekull pas tragjedisë, Titaniku vazhdon të magjepsë botën, ndërsa objektet e mbetura nga ajo natë tragjike mbeten dëshmi të gjalla të një prej katastrofave më të njohura detare në histori.
