Loja erotike shkon si mos më keq! Përveç mjekëve, në spital ndërhyjnë edhe zjarrfikësit

Një moment pasioni pak më ndryshe se zakonisht, por që gati i kushtoi shtrenjtë. Pse do të priste që kjo lojë erotike, që kishte filluar të ngjallte emocione nën çarçafë, do të përfundonte... në spital?

Ndodhi në Pordenone të Italisë, ku zjarrfikësve iu desh të ndërhynin për të hequr një unazë penisi prej çelik inoxi që kishte mbetur e bllokuar prej ditësh.

Ditët e vuajtjes

Procedura, padyshim e pazakontë, por po aq delikate, u zhvillua në dhomën e urgjencës së spitalit Santa Maria degli Angeli në Pordenone. Sipas Il Gazzettino, pacienti u paraqit vetë pas disa ditësh vuajtjesh, duke kërkuar ndihmë nga mjekët për të hequr lodrën seksuale që nuk hiqej. Por as stafi mjekësor nuk ishte në gjendje ta lëvizte.

Ndërhyrja e zjarrfikësve

Për të zgjidhur situatën, u bë e nevojshme të kërkohej ndërhyrja e zjarrfikësve, konkretisht e njësisë së San Vito al Tagliamento, të cilët mbërritën në sallën para operacionit me një mikro-frezë precize, të siguruar nga një kompani e zonës dhe që zakonisht përdoret për prodhimin e mekanizmave me precizion.

Operacioni u krye së bashku me mjekët dhe infermierët, të cilët monitoruan dhe kontrolluan gjendjen e pacientit gjatë fazave më delikate. Ndërhyrja përfundoi me sukses. Për personin fatkeq, tani do të jetë i nevojshëm një periudhë pushimi. Edhe në dhomën e gjumit. /PiranjatNews/