Kim Kardashian ka rrëfyer se kishte dyshime përpara martesës me ish-basketbollistin e NBA-së, Kris Humphries, por vendosi të vaz...
LIFESTYLE
Pacientit i hiqet veshka pa arsye, pas 10 vitesh fiton shumën e majme
PiranjatPërditësimi i fundit 30 March 2026, 19:38
Një ngjarje e rëndë mjekësore është regjistruar në Siena të Italisë, ku një pacienti iu hoq një veshkë me dyshimin për tumor, por më pas rezultoi se tumori nuk ekzistonte. Rasti ndodhi në vitin 2016, ndërsa vetëm pas dhjetë vitesh përfundoi procesi gjyqësor në Gjykatë n Civile për dëmshpërblim prej 75 mijë eurosh në favor të pacientit.
Sipas rindërtimit në gjykatë, mjeku kishte vlerësuar se bëhej fjalë për një tumor agresiv që kërkonte heqjen e veshkës së majtë, por analizat e mëvonshme përjashtuan praninë e kancerit dhe madje edhe dyshimin për të. Gjyqtarët theksuan se “karcinoma nuk ishte e pranishme dhe as e dyshueshme”, pasi mungonin çdo tregues i malignitetit edhe para ndërhyrjes kirurgjikale.
Dëmshpërblim prej 75 mijë eurosh
Siç raporton Corriere Fiorentino, në vitin 2018, Gjykata Civile dënoi mjekun dhe spitalin të dëmshpërblejnë pacientin me rreth 75 mijë euro për dëmet dhe shpenzimet ligjore. Në vendim u evidentuan edhe parregullsi në dokumentacion. Dokumenti nuk përmbante diagnozën, llojin e trajtimit, datën dhe as firmën e mjekut. Gjithashtu, analiza histologjike, e dalë 20 ditë pas operacionit, konfirmoi mungesën e tumorit. “Nefrektomia, pra heqja e plotë e veshkës, nuk mund të justifikohet me hipotezën e një tumori malinj, i cili jo vetëm që nuk ishte i pranishëm, por as nuk mund të dyshohej, për shkak të mungesës së çdo treguesi të malignitetit”, theksuan gjyqtarët.
Spitali kërkon kthimin e parave nga mjeku
Pas dëmshpërblimit të pacientit, spitali iu drejtua Corte dei Conti për rikuperimin e shumës. Gjykata konstatoi një dëm indirekt ndaj shtetit dhe e dënoi mjekun të kthejë rreth 25 mijë euro, shumë e reduktuar për shkak të procedurës së shkurtuar gjyqësore. /PiranjatNews/
