Shkencëtarët zbulojnë një specie të re majmuni me buzë portokalli që fshihej prej dekadash

Pas më shumë se një dekade kërkimesh në pyjet tropikale të Republikës Demokratike të Kongos, biologët kanë konfirmuar ekzistencën e një specieje të panjohur më parë të majmunit.

Kafsha dallohet menjëherë nga buzët e saj portokalli të ndezura, fytyra me nuanca të errëta dhe qimet me ngjyrë gri-kafe. Studiuesit thonë se për vite me radhë banorët vendas e njihnin ekzistencën e saj, por komuniteti shkencor nuk kishte prova të mjaftueshme për ta klasifikuar si specie më vete.

Analizat gjenetike konfirmuan se bëhet fjalë për një specie krejtësisht të re, një zbulim tepër i rrallë në një grup kafshësh që është studiuar intensivisht për dekada.

Ekspertët paralajmërojnë se habitatet ku jeton kjo specie po kërcënohen nga shpyllëzimi dhe gjuetia, ndaj kërkojnë masa urgjente për mbrojtjen e saj.