Kim Kardashian ka rrëfyer se kishte dyshime përpara martesës me ish-basketbollistin e NBA-së, Kris Humphries, por vendosi të vaz...
LIFESTYLE
Shpërthen meningjiti në Angli, mjekët në alarm: Nis si skuqje syri, po prek shumë të rinjtë
PiranjatPërditësimi i fundit 19 March 2026, 18:09
Britania e Madhe është në alarm nga një shpërthim vdekjeprurës meningjiti, të cilin, krerët e shëndetësisë nuk po e frenojnë dot. Autoritetet kanë dhënë alarmin, e punonjësve të shëndetësisë u është kërkuar të tregojnë vëmendje maksimale për shenjat e infeksionit që ka marrë deri më tani dy jetë njerëzish, dhe 20 të tjerë dyshohen si të prekur.
Vala e infektimeve mendohet se ka nisur nga një klub nate në Canterbury, pronari i të cilit pohoi se edhe dy pjesëtarë të stafit janë infektuar dhe kanë përfunduar në spital. Kur u pyet nëse shpërthimi i sëmundjes është arritur të vihej nën kontroll, Dr. Anjan Ghosh, nga Këshilli i Qarkut Kent, i tha BBC-së “se ende nuk janë në gjendje ta pohojnë këtë në mënyrë përfundimtare”.
“Ne po shqyrtojmë atë që quhet transmetim i dytë, pra një rast që më pas transmetohet tek disa persona të tjerë. Na duhet ta përjashtojmë këtë zinxhir infektimi, përpara se të mund ta pohojmë me siguri frenimin e tij”, shton mjeku.
Viktimat janë një student 21 vjeçar dhe një nxënëse 18 vjeçe. BBC thotë se në Universitetin e Kentit ka nisur menjëherë një program vaksinimi për rreth 5,000 studentë. Prindërit e një vajze 20 vjece të shtruar në spital, rrëfejnë se simptomat e saj fillimisht i ngjasonin një gripi të thjeshtë. Paskësaj, pati skuqje të syrit, çka i shtyu prindërit të dyshonin për konjuktivit, por më tej gjendja e saj u përkeqësua ndjeshëm. Përveç vaksinave, janë dhënë mbi 8,400 doza antibiotikësh si formë parandalimi.
Ekspertët pohojnë se antibiotikët mbeten trajtimi më efikas për atë që po e përshkruajnë si një “shpërthim të paprecedent të sëmundjes”.
Çfarë është Meningjiti?
Meningjiti është një infeksion i rrallë që prek membranat delikate – të quajtura meningje – që mbulojnë trurin dhe palcën kurrizore. Meningjiti mund të shkaktojë helmim të gjakut i cili është kërcënues për jetën (septikemi) dhe të rezultojë në dëmtim të përhershëm të trurit ose nervave.
Ekzistojnë një sërë vaksinash që ofrojnë mbrojtje kundër meningjitit.
Cilat janë Simptomat e Meningjitit?
Simptomat e meningjitit zhvillohen papritur dhe mund të përfshijnë:
temperaturë e lartë (ethe) ndjesi këputjeje dhimbje koke skuqje e cila nuk zbehet kur mbështillet një gotë mbi të (por një skuqje nuk do të zhvillohet gjithmonë) qafë të ngurtë bezdisje nga dritat e ndritshme përgjumje ose mosreagim konvulsione (kriza)
Simptomat tek të porsalindurit
Të porsalindurit dhe foshnjat mund të shfaqin këto simptoma:
Temperaturë të lartë Të qara të vazhdueshme Përgjumje të tepërt ose nervozizëm Vështirësi zgjimi nga gjumi Inaktivitet ose plogështi Fëmija nuk zgjohet për të ngrënë Ushqyerja e dobët Të vjella
Fryrje në vendin e butë në majë të kokës së foshnjës (fontanel) Ngurtësi në trup dhe qafë
