Dy persona janë plagosur me armë zjarri mbrëmjen e sotme në zonën e Laprakës në Tiranë.
Ngjarja dyshohet se ka ndodhur ...
LIFESTYLE
Thonjtë e vjeshtës 2026/ 6 ngjyrat dhe trendet që do të dominojnë sezonin
PiranjatPërditësimi i fundit 8 Shtator 2026, 10:02
Vjeshta sjell me vete nuanca më të thella, më të errëta dhe më “cozy”, por trendet e thonjve për 2026-n nuk ndalen vetëm te bordoja klasike. Këtë sezon ka vend si për ngjyra dramatike, ashtu edhe për manikyrë shumë natyralë, detaje metalike dhe kombinime pak më të papritura. Ja gjashtë trendet që pritet të shihen më shumë këtë vjeshtë:
1. Bluja e errët
Nëse e zeza të duket shumë e fortë, por do diçka po aq elegante, bluja e mesnatës është alternativa perfekte. Është pothuajse e zezë, por jo tamam, dhe duket luksoze dhe chic. Përveç manikyrit klasik në të gjithë thoin, kjo nuancë duket bukur edhe French për thonj më të gjatë ose në dizajne për thonj të shkurtër.
2. Ngjyrë ari
Detajet metalike do të jenë shumë prezente këtë sezon dhe e arta është në krye të listës. Nga thonjtë komplet të artë, te majat French me efekt metalik apo detajet e vogla të arta, ka shumë mënyra për ta përdorur.
3. Thonj sa më natyralë
Në skajin tjetër të spektrit janë “naked nails”, pra thonj të shkurtër, të rregulluar dhe me formë natyrale. Ideja nuk është që thonjtë të duken të palyer, por të përmirësohet pamja e tyre natyrale me një nuancë shumë të lehtë dhe përfundim mat.
4. Kumbull e errët
Bordoja është klasikja e vjeshtës, por këtë vit mund t’i lërë pak vend nuancave të thella të kumbullës. Këto janë ngjyra të pasura, të errëta dhe ideale për muajt më të ftohtë. Janë elegante dhe duken bukur si gjatë ditës, ashtu edhe në mbrëmje.
5. Ngjyrë kafe në çokollatë
Ngjyra kafe çokollatë ishte një nga ngjyrat trend të sezonit të kaluar. Këtë vjeshtë, trendi evoluon dhe kalon te nail art-i në nuanca çokollate: mund të jetë me pika, lule, French apo detaje grafike. Ideja është që kafja të mos përdoret vetëm si një ngjyrë e plotë, por si bazë për dizajne më interesante. Një nga kombinimet më të bukura është edhe kafe çokollatë me blu të çelët.
6. Lejla, por në version vjeshte
Lejlaja zakonisht lidhet më shumë me pranverën, por këtë vit po kalon edhe në sezonin e ftohtë. Sekreti është te nuanca: jo një lejla e ndezur dhe pastel, por një version më i zbutur, pak më i pluhurosur, që të kujton ngjyrat e pulovrave të buta të vjeshtës. Mund të përdoret në të gjithë thoin ose vetëm French për një rezultat më minimalist.
