VIDEO/ Gafa epike e tifozëve të Barcelonës teksa përpiqeshin të bënin foto me yllin e ri të skuadrës

Së bashku me Lamine Yamal, Raphinha është një tjetër prej futbollistëve më të dashur nga tifozët e Barcelona-s.

Kështu, sot në mesditë, një grup i madh fëmijësh u mblodh jashtë qendrës stërvitore të klubit katalanas, me celularët në duar, gati për të fotografuar apo filmuar një moment me yllin e tyre të preferuar.

“Liderja” e grupit ishte nëna e njërit prej fëmijëve. Kur e njoftuan se makina që po largohej nga qendra sportive i përkiste brazilianit, ajo doli përpara për ta ndaluar dhe i kërkoi drejtuesit të ulte xhamat e errët, në mënyrë që t’u dhuronte fëmijëve një moment që do ta kujtonin gjatë gjithë jetës.

Fëmijët rrethuan fjalë për fjalë makinën dhe, sapo xhamat u ulën, celularët nisën të filmonin pa pushim. Por gëzimi i tyre u shua shumë shpejt.

Kjo sepse drejtuesja e makinës nuk ishte Raphinha, por bashkatdhetarja e tij Kerolin Nicoli, e cila vetëm pak ditë më parë iu bashkua Barcelonës nga Manchester City. Ajo u bë transferimi më i shtrenjtë në historinë e futbollit të femrave, me një vlerë prej 1.25 milionë eurosh.

Sulmuesja braziliane, me buzëqeshje në fytyrë, u shpjegoi se... sigurisht, nuk ishte Raphinha. Nëna u tërhoq mënjanë duke kërkuar falje, ndërsa tifozët e vegjël të klubit katalanas nuk e lanë mundësinë t’u ikte nga duart dhe regjistruan këtë takim të parë me futbollisten braziliane. /PiranjatNews/