VIDEO/ Incidenti i pazakontë i kamarierit të hotelit në oborrin e mbuluar me ujë shiu

Një kamerier hoteli ka përfunduar brenda një pishine, pasi e ngatërroi atë me një parking të mbuluar nga uji i shiut. Pamjet e kamerave të sigurisë kapën momentin kur punonjësi, duke shtyrë dy valixhe të mëdha, ecën drejt “sipërfaqes së lagur”, pa kuptuar se në fakt ishte pishina e hotelit.

Burri bie papritur në ujë bashkë me bagazhet, ndërsa incidenti ka shkaktuar të qeshura në rrjetet sociale për mënyrën e pazakontë si ndodhi ngjarja. Fatmirësisht, ai nuk raportohet të ketë pësuar lëndime serioze.

Burri po mbante dy valixhe të mëdha, një rozë dhe një blu, ndërsa ecte në kushte me shi të imët. Ai iu afrua buzës së pishinës, ku në cep notonin disa lodra fryrëse shumëngjyrëshe, por pa e kuptuar se kishte përpara ujë, hodhi hapin dhe ra direkt në pishinë.

Ngjarja ndodhi më 21 maj në një hotel në qarkun Yangshuo, në jug të Kinës. Dëshmitarët që ndodheshin pranë nxituan menjëherë për ta ndihmuar punonjësin, i cili doli me vështirësi nga uji bashkë me valixhet. Pamjet e kamerave të sigurisë janë shpërndarë gjerësisht në rrjetet sociale, duke u bërë virale për incidentin e pazakontë. /PiranjatNews/