VIDEO/ Kompania ajrore spektakël të rrezikshëm të avionëve mbi stadiumin plot me njerëz
Kompania ajrore e Afrikës së Jugut, Airlink, ka mbrojtur një manovër spektakolare, por potencialisht katastrofike, gjatë së cilës dy avionë të saj fluturuan shumë pranë njëri-tjetrit, vetëm pak metra mbi çatinë e një stadiumi.
Avionët kaluan të shtunën mbi stadiumin DHL në Cape Town, i cili ishte mbushur me më shumë se 50 mijë tifozë, për ndeshjen e ragbit mes Afrikës së Jugut dhe Zelandës së Re.
Madje, njëri prej dy avionëve fluturoi përmes tymit të krijuar nga mjetet piroteknike, të hedhura pak para fillimit të ndeshjes.
Videot nga shumë këndvështrime të ndryshme tregojnë avionët duke kaluar fare pranë stadiumit. Një manovër spektakolare, por shumë pak na ndante nga një tragjedi e tmerrshme, nëse diçka nuk do të shkonte siç duhej.
Në përgjigje, siç raporton BBC, kompania ajrore Airlink deklaroi se manovra ishte planifikuar me shumë kujdes, me mbështetjen e autoriteteve të aviacionit. «Planifikim. Precizion. Performancë», ishte mesazhi i kompanisë ajrore në postimet e saj në rrjetet sociale, të shoqëruara me videon.
Në një deklaratë të ribotuar në një faqe qeveritare lajmesh, Airlink dha më shumë detaje.
«Dy avionët drejtoheshin nga një ekuipazh jashtëzakonisht me përvojë, ku secili përbëhej nga tre kapitenë me përvojë, të cilët kryenin detyrat e komandantit, bashkëpilotit dhe përgjegjësit për sigurinë/çështjet teknike», deklaroi kompania ajrore.
Airlink shtoi se fluturimet u kryen brenda «kufijve të miratuar dhe të testuar të sigurisë për lartësinë dhe shpejtësinë e përdorur gjatë kalimit».
Ndërkohë, Flightradar24 pretendoi se, sipas analizës së tij, «avioni i parë kaloi në një lartësi më pak se 50 këmbë (15 metra) mbi çatinë e stadiumit». /PiranjatNews/
Embraer E195-E1 da Airlink com pintura toda preta faz uma passagem extremamente baixa em estádio na Cidade do Cabo, na África do Sul durante clássico de Rugby contra a Nova Zelândia
— AEROIN (@aero_in) August 29, 2026
Dados do @flightradar24 apontam que o jato estava a 50 pés (15m) de altitude https://t.co/kwxxhxxlXj pic.twitter.com/GjRlNPDlN6
@caspersaint_cpt Do you know why we do stadium flyovers in South Africa? ????????✈️ It goes back to the 1995 Rugby World Cup???? The tradition was born at Ellis Park during the 1995 Rugby World Cup final between South Africa and New Zealand. Just before the final, a South African Airways Boeing 747 came roaring over the packed stadium — extraordinarily low — with “GOOD LUCK BOKKE” painted underneath its wings. It was piloted by SAA captain Laurie Kay and was a highly secret, spectacular stunt. It became one of the defining images of that extraordinary day: Mandela, the Springboks, Ellis Park and the birth of the “one nation” sporting moment. And South Africans absolutely remember it!???????????? @Springboks.rugby #springboks #rugbysgreatestrivalry #forevergreenforevergold #southafrica #mzansi ♬ original sound - caspersaint_cpt
Airlink statement on the flyby at Cape Town DHL Stadiumhttps://t.co/q2uRulGAhF#ArriveAlive #Flyby @Fly_Airlink @Springboks @AllBlacks @RugbyFifteen @Dotransport pic.twitter.com/iO3VbrTaS5
— Arrive Alive (@_ArriveAlive) August 30, 2026
Lexo edhe
LIFESTYLE
Lamborghini sjell karrocën luksoze për bebe me çmim prej afro 5 mijë eurosh
Horoskopi/ Nga Puna tek Dashuria, java nis plot aventura për këto shenja
E lani tapetin e banjës kështu? Këto gabime mund ta dëmtojnë sa herë e fusni në rrobalarëse
Betim fetar me një çmim të lartë: Murg hindu nuk është ulur për pesë vjet
Sekreti i njerëzve që duken më të rinj: Mendësia dhe zakonet që “sfidojnë” plakjen
