VIDEO/ Momenti kur një grup balenash vrasëse sulmojnë jahtin dhe 'shpërbëjnë gjithçka'

Ky është momenti dramatik kur një tufë orkash (balena vrasëse) rrethon një jaht dhe i thyen timonin, ndërsa marinarët thonë se ato "shkatërruan gjithçka". Pamjet rrëqethëse tregojnë disa pendë të errëta që shfaqen në ujë dhe drejtohen me shpejtësi drejt jahtit, pranë brigjeve të Gjibraltarit.

Aventurierët kishin kaluar katër javët e fundit duke lundruar nga Bahamas drejt Spanjës, kur u sulmuan nga orkët (balenat vrasëse).

Balena bardhezi ndoqën jahtin dhe dëmtuan sistemin e drejtimit, duke bërë që mjeti lundrues të dilte jashtë kontrollit. Pamjet tronditëse, të filmuara nga personat që ndodheshin në bord, tregojnë të paktën tre orka gjigante që notonin pak nën sipërfaqen e ujit. Më pas, pamjet nënujore tregojnë orkët duke kafshuar timonin e jahtit, ndërsa marinarët humbin kontrollin mbi drejtimin e mjetit lundrues.

Përballja rrëqethëse zgjati rreth tre orë, duke lënë copa të jahtit të shpërndara në ujë. "Ata e shkatërruan gjithçka, nuk kemi më timon," tha Jokke Sommer, një parashutist norvegjez që ndodhej në bord.

"Tani po rrotullohemi 360 gradë. Po kalojmë 'shumë bukur'," shtoi ai me ironi, ndërsa jahti lëkundej në mënyrë të rrezikshme mes orkave. Në video dëgjohet edhe një grua që thërret: "O Zot, janë gjigante!", ndërsa orkët bardhezi zhyteshin dhe dilnin vazhdimisht nga uji rreth jahtit. /PiranjatNews/