“Mos e prek Memaliajn!” Me këtë mesazh dhe pankarta në duar, banorë të Memaliajt dolën në aksin kryesor që l...
LIFESTYLE
VIDEO/ “Çmendet” roboti në restorant, bën rrëmujë nëpër tavolina
PiranjatPërditësimi i fundit 18 Mars 2026, 23:11
Ky është momenti qesharak kur një robot që po vallëzonte me shumë energji e teproi dhe bëri që ushqimi dhe orenditë në tavolinë, të fluturonin në një restorant luksoz.
Roboti humanoid, që shërben si kamerier, po bënte lëvizje vallëzimi për të argëtuar klientët e kënaqur, kur papritur vallëzoi paksa më fort seç duhej.
Fillimisht, klientët po qeshnin me robotin që po vallëzonte në Haidilao – një restorant hotpot në San Jose. Ai kishte veshur një përparëse nga Zootopia dhe po lëvizte energjikisht krahët dhe ijet në një rutinë ritmike.
Por gjatë performancës, roboti afrohet në mënyrë të rrezikshme pranë tavolinës. Papritur, krahët e robotit përplasen me pjatat e ushqimit të klientëve. Lugët dhe salca fluturojnë në ajër, ndërsa klientët bërtasin nga tronditja.
Stafi vrapon për të tërhequr makinën, tashmë të mbuluar me mustardë, larg tavolinës. Roboti vazhdon të vallëzojë në mënyrë agresive, ndërsa punonjësit përpiqen ta mbajnë nën kontroll në një distancë të sigurt nga klientët e tmerruar.
Tre anëtarë të stafit shihen duke u munduar ta neutralizojnë robotin, ndërsa një punonjës shtyp me nervozizëm në telefon për të tentuar ta ndalojë makinën. /PiranjatNews/
