Zonat malore në qarkun e Kukësit po përjetojnë kushte klimaterike dimërore, ndonëse jemi ende në fund të muajit tetor.
...
LIFESTYLE
Zgjohet me lëkurë blu dhe përfundon në urgjencë, ajo që zbulon rastësisht infermierja shkakton të qeshura mes mjekëve
PiranjatPërditësimi i fundit 17 March 2026, 18:17
Ishte një zgjim pothuajse kafkian për Tommy Lynch, 42 vjeç, punëtor ndërtimi nga Castle Gresley në rajonin anglez të Derbyshire: nuk u zgjua një mëngjes në trupin e një mize, por me lëkurën e trupit krejtësisht blu.
Pothuajse si një smurf apo një avatar, në çdo rast një përvojë aspak e këndshme, që e çoi fillimisht në urgjencë dhe më pas e bëri objekt talljeje në internet. Vetë ai e tregoi këtë aventurë, që ndodhi në nëntor dhe fatmirësisht përfundoi pa pasoja, në profilin e tij në Facebook. Në spital, e pritën pothuajse menjëherë dhe e trajtuan me oksigjen.
“Mjekët më thanë se nuk kishin parë kurrë dikë me atë ngjyrë ende gjallë”, tregon Lynch. Rreth dhjetë mjekë e rrethuan, ndërsa ai përpiqej t’u përgjigjej pyetjeve pa e kuptuar se çfarë po ndodhte.
Kthesa ndodh kur një infermiere afrohet me një pecetë të lagur me alkool për ta përgatitur për analizë gjaku. Sapo pambuku prek krahun e Lynch-it, bëhet blu.
Rasti u zgjidh menjëherë. Dyshimet ranë menjëherë mbi çarçafët blu “navy” që i kishte marrë dhuratë disa ditë më parë nga miqtë. Nuk i kishte larë kurrë para përdorimit. Ngjyra, e favorizuar nga nxehtësia e trupit, ishte transferuar plotësisht në lëkurën e tij gjatë gjumit.
“Nuk e dija që duhet t’i lash çarçafët para se të flija mbi to”, pranon sinqerisht Lynch. “Isha shumë i turpëruar, por mjekët më thanë se të paktën i bëra të qeshnin, shkruan Tgcom.
Zakonisht nuk ndodhin histori qesharake në urgjencë”. U desh një javë me larje të përsëritura që lëkura e tij të kthehej në ngjyrën natyrale. Kur, disa muaj më vonë, Lynch vendosi ta bëjë publike ngjarjen me një postim në rrjetet sociale, ai dha edhe një këshillë të vlefshme për miqtë: “Lajini gjithmonë çarçafët e rinj para se të flini mbi to. Përveç nëse doni të kaloni pa radhë në urgjencë.” /PiranjatNews/
