16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
POLITIKE
4 mijë kredi të buta nga qeveria, çudit Delina Ibrahimi: Në periferi të Tiranës gjen shtëpi me 60 mijë euro!
PiranjatPërditësimi i fundit 11 September 2026, 13:47
Ministrja e Ekonomisë, Delina Ibrahimaj, ka deklaruar sot pas mbledhjes së qeverisë se në kuadër të programit do të jenë në dispozicion 7 mijë apartamente, ndërsa do të akordohen 4 mijë kredi të buta.
Nga këto, 2 mijë kredi do të jenë me zero interes dhe do të përdoren për blerjen e apartamenteve me vlerë deri në 60 mijë euro që sipas saj mund të gjenden në periferi
Ministrja tha se me këtë vlerë mund të gjenden shtëpi në periferi të Tiranës.
“Ka në periferi të Tiranës, janë apartamente të sipërfaqeve të vogla, nuk i dedikohen familjeve të mëdha. Ndaj thashë ky program i dedikohet profesionistëve që sapo kanë mbaruar studimet dhe duan të jetojnë pranë vendit të punës. Është një proces që ndodh në të gjitha vendet e botës”, tha ministrja Ibrahimi.
Sipas saj, programi do të financohet përmes Fondit Kombëtar të Strehimit, i cili përbëhet nga kontributet e bashkive, buxheti i shtetit dhe mekanizma të tjerë financiarë, përfshirë programet e Bankës Europiane të Investimeve (BEI).
Për apartamentet e mëdha do të jenë në dispozicion 3 mijë apartamente me normë interesi fikse 3 %.
"Do mbulohen nga Fondi Kombëtar për Strehimin, Është fondi që mblidhet nga bashkitë, buxheti i shtetit për strehimin dhe mekanizma të tjerë të kredive si BEI e cila ka një program specifik për strehimin.
Do vëmë subvencion qiraje për 3 mijë apartamente që i dedikohen jo vetëm shtresave në nevojë, por edhe familjeve të reja e profesionistëve që sa kanë mbaruar shkollën vendosin të kthehen në vendbanimin e tyre dhe ne do t’i mbështesim, t’i garantojmë një fillim jetese më të sigurt, se strehimi është kryesor për qytetarët.
Kemi më shumë se 80% të shqiptarëve që jetojnë në pronësinë e tyre. Do fillojmë ndërtimin e disa blloqeve të ndërtesave”, tha Ibrahimaj.
Ministrja e Ekonomisë sqaroi se paketa ligjore pritet të miratohet në fillim të tetorit, ndërsa thirrjet për përfituesit do të hapen gjatë këtij viti.
