Kryeministri Edi Rama promovoi dje me bujë të madhe 40 makinat e para ushtarake, sipas tij të prodhuara në Shqipëri, nga partneriteti...
POLITIKE
63 ditë protestë kundër Ramës, sot Tirana pret valën e diasporës: Numërimi mbrapsht ka nisur
PiranjatPërditësimi i fundit 1 Gusht 2026, 17:31
Lëvizja qytetare që kërkon dorëheqjen e kryeministrit Edi Rama dhe largimin e qeverisë do të zhvillojë sot një protestë kombëtare në Tiranë, ku pritet t'u bashkohen edhe shqiptarë të diasporës.
Ndërkohë, mbrëmjen e djeshme u mbajt protesta e 62-të radhazi përpara Kryeministrisë, duke vijuar mobilizimin e përditshëm të kësaj lëvizjeje.
Gjatë tubimit, organizatorët përsëritën kërkesën për dorëheqjen e kryeministrit dhe mbajtjen e zgjedhjeve të parakohshme. Ata njoftuan gjithashtu se protesta e sotme, 1 gusht, do të ketë karakter kombëtar dhe pritet të shënojë një pjesëmarrje të gjerë të qytetarëve, si nga Shqipëria ashtu edhe nga diaspora.
Sipas njoftimeve të publikuara nga komunitetet e diasporës në rrjetet sociale, protesta do të zhvillohet në Bulevard, ndërsa shqiptarëve brenda dhe jashtë vendit u është bërë thirrje t'i bashkohen tubimit.
"Ka nisur numërimi mbrapsht. Vrisni frikën, merrni pjesë në protestë. Rama i ka ditët e numëruara", ishte mesazhi i përcjellë gjatë protestës së fundit përpara godinës së Kryeministrisë.
Organizatorët e konsiderojnë protestën e sotme si një nga mobilizimet më të rëndësishme të kësaj lëvizjeje qytetare, duke theksuar se pjesëmarrja e diasporës pritet t'i japë tubimit një peshë të veçantë.
