65 ditë revoltë/ Protestuesit mblidhen sërish në shesh për të rrëzuar Ramën

Ka nisur grumbullimi i qytetarëve në sheshin “Skënderbej”, ku edhe këtë të hënë po zhvillohet protesta e radhës kundër qeverisë së kryeministrit Edi Rama.

Tubimi shënon ditën e 65-të të lëvizjes qytetare, e cila vijon të kërkojë largimin e kryeministrit dhe ndryshim politik. Më pas, ashtu si në protestat e mëparshme, pjesëmarrësit pritet të marshojnë drejt Kryeministrisë dhe në rrugët kryesore të kryeqytetit.

Lëvizja, që nisi si një reagim ndaj zhvillimeve në Zvërnec, është shndërruar në një protestë të përditshme kundër qeverisë dhe asaj që organizatorët e cilësojnë si “kastë politike”. Prej më shumë se dy muajsh, protestuesit janë mbledhur çdo ditë në Tiranë, duke përsëritur thirrjet për dorëheqjen e Ramës.

Edhe në protestën e një dite më parë, aktivistët deklaruan se nuk do të tërhiqen nga kauza e tyre, duke theksuar se pakënaqësia qytetare po zgjerohet edhe në qytete të tjera të vendit.