Gazetari investigativ Elton Qyno ka denoncuar një sulm fizik dhe kërcënime të vazhdueshme, të cilat sipas tij lidhen me grupin kriminal...
POLITIKE
“‘Red Flag’ janë kthyer në normë”, PD: Kamza dhe Tirana kryesojnë për tenderë me risk të lartë
PiranjatPërditësimi i fundit 31 Korrik 2026, 12:43
Partia Demokratike ka ngritur alarmin për rezultatet e monitorimit të procedurave të prokurimit publik në bashkië e vendit, sipas metodologjisë së indikatorëve të riskut “Red Flag” të Open Procurement Albania.
Në një deklaratë për mediat, zëdhënësja e Antikorrupsionit në PD, Genta Vangjeli u shpreh se të dhënat tregojnë një situatë alarmante, ku miliarda lekë nga taksat e qytetarëve janë përfshirë në procedura prokurimi me tregues rreziku për mungesë konkurrence, favorizime dhe përdorim joefektiv të fondeve publike.
Ajo shton se Bashkia Kamëz rezulton si rasti më kritik në nivel kombëtar për tenderë me risk të lartë, kurse Bashkia Tiranë mban vendin e parë për ekspozimin financiar.
“Bashkia Kamëz rezulton rasti më kritik në nivel kombëtar. Nga 2.37 miliard lekë fond limit, plot 1.23 miliard lekë, ose 51.8%, lidhen me procedura të klasifikuara ‘Red Flag’. Me 42 tenderë problematikë nga 96 gjithsej, Kamza kombinon një volum shumë të madh fondesh me një nivel tepër të lartë ekspozimi ndaj riskut.
Bashkia Tiranë mban vendin e parë për ekspozimin financiar, me 1.7 miliard lekë fond limit të klasifikuar ‘Red Flag’, të shpërndara në 75 procedura prokurimi. Kjo është vlera më e lartë në shkallë kombëtare dhe dëshmon se qendra e vendit vazhdon të mbetet edhe qendra e tenderëve me risk të lartë”, tha Vangjeli.
