Gjatë një prononcimi të fundit për mediat, debati mes përfaqësuesit të mazhorancës socialiste, Taulant Balla, dhe gaze...
POLITIKE
A po blen Edi Rama ndjekës në Facebook?
PiranjatPërditësimi i fundit 25 Qershor 2026, 14:03
Aktivisti dhe analisti i të dhënave Eden Kollçinaku ka ngritur pikëpyetje mbi rritjen e numrit të ndjekësve në faqen e kryeministrit Edi Rama në Facebook, duke sugjeruar se mund të bëhet fjalë për blerje të ndjekësve.
Përmes një postimi në rrjetet sociale, Kollçinaku pretendon se gjatë 25 ditëve të protestave, Rama ka humbur 5,430 ndjekës në Facebook. Sipas tij, situata ka ndryshuar papritur në dy net radhazi, kur faqja e kryeministrit ka fituar 1,574 ndjekës më 24 qershor dhe 946 të tjerë një natë më pas.
“Dy net radhazi. Gati 2,520 ndjekës të rinj, nga asgjëja. Rikuperim brenda dy ditëve i pothuajse 50% të ndjekësve të humbur për 25 ditë”, shkruan Kollçinaku.
Ai thekson se gjatë kësaj periudhe nuk ka pasur asnjë postim viral apo ngjarje të rëndësishme që do të justifikonte një rritje të tillë të ndjekësve. Sipas tij, edhe niveli i angazhimit në faqe ka mbetur i pandryshuar, duke ngritur dyshime mbi autenticitetin e ndjekësve të rinj.
Kollçinaku argumenton se rritja përbën një devijim të pazakontë statistikor nga mesatarja ditore e faqes dhe ngre publikisht pyetjen: “A po blen Edi Rama ndjekës në Facebook?”
