16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
POLITIKE
Adriatik Lapaj dhe Shpend Gashi nga Komisariati numër 6: Rame kur të japësh dorëheqjen vëlla ishalla të trajtojnë siç na trajton ti neve
PiranjatPërditësimi i fundit 8 September 2026, 21:47
Adriatik Lapaj dhe Shpend Gashi kanë dalë me një video-mesazh nga Komisariati numër 6 në Tiranë, ku u shoqëruan pas përplasjeve me efektivët në rrugën “George W Bush”.
Të buzëqeshur krah njëri-tjetrit, kreu i “Shqipëria Bëhet” përshëndet personat që janë të interesuar për gjendjen e tyre pas arrestimit, ndërsa gazetari Gashi i thur lavde Lapajt, duke qenë se ky i fundit “e pësoi” pasi tentoi ta shpëtonte nga përplasja me efektivët.
“Unë dua të bëj një deklaratë për ty o vëlla. E them sinqerisht edhe njëherë o vëllai se në ditët e vështira duken miqtë dhe ke ardhur pas meje, je lëshuar. Duhet ta dini që jemi të gjithë bashkë nuk na ndan asnjë gjë, asnjë lloj mentaliteti” thotë Gashi.
Ndërsa video e dyshes përmbyllet me fjalën e Lapajt i cili njofton se do të shihet me qytetarët jashtë në shesh.
Lapaj: Për të gjithë ata që janë në merak, përshëndetje çuna. Hë mo Shpend.
Shpendi: Unë dua të bëj një deklaratë për ty o vëlla. E them sinqerisht edhe njëherë o vëllai se në ditët e vështira duken miqtë dhe ke ardhur pas meje, je lëshuar. Duhet ta dini që jemi të gjithë bashkë nuk na ndan asnjë gjë, asnjë lloj mentaliteti.
Asnjë lloj gjëje nuk na ndan bashkë. Qëndroni të bashkuar, qëndroni më me dashuri pranë njëri-tjetrit. Nuk kemi gjë kundër Policisë së Shtetit, nuk kemi gjë kundër shtetit. Ne jemi vetëm kundër Ramës dhe Rama sapo na dha një dekoratë sot.
Mua personalisht më ka dhënë një dekoratë. Rame kur të japësh dorëheqjen vëlla ishalla të trajtojnë siç na trajton ti neve.
