“Mos e prek Memaliajn!” Me këtë mesazh dhe pankarta në duar, banorë të Memaliajt dolën në aksin kryesor që l...
POLITIKE
Aeroporti i Vlorës/ Ahmetaj: Janë ndarë edhe dyqanet, ka pagesa të padeklaruara
PiranjatPërditësimi i fundit 8 Janar 2026, 22:46
Gjatë intervistës në ‘Çim Peka LIVE’ në SYRI TV, Arben Ahmetaj hedh akuza të drejtpërdrejta mbi procesin e dhënies së koncesionit për aeroportin e Vlorës, duke e cilësuar tenderin si një aferë të pastër korruptive.
Ai pohon se e ka kundërshtuar projektin që në fillim, bashkë me Damian Gjiknurin. Sipas tij, koncesioni është ndarë në një zyrë qeveritare dhe se ka pasur një pagesë prej rreth 3 milionë eurosh, e cila nuk figuron zyrtarisht. Ahmetaj shprehet se këto pretendime i janë komunikuar edhe atij dhe se, nëse janë bërë përmes bankave jashtë vendit, duhet të verifikohen nga organet e drejtësisë.
Po 15-16 nuk vijnë me kokrra, kaq nuk ka Amerika.
Arben Ahmetaj: 15-16... E drejtë. E drejtë. Për tigrat e kemi thënë. Po. Kemi aeroportin e Vlorës. Aeroporti i Vlorës doli në shesh. Unë dua të vazhdoj ta investigoj dhe ta marrim përsëri momentin e ë, unë nuk dua të flas për biznesmenë me emra. Po momentin e Behgjet Pacollit. E takova unë Pacollin. Kam biseduar gjatë me të.
Çim Peka: Po unë nuk e di se kur do jetë i gatshëm të rrëfejë diçka.
Arben Ahmetaj: Nuk ka rëndësi, nuk më intereson çfarë do bëjë Behgjeti. Po.
Çim Peka: Kam pasur shkëmbime SMS-sh edhe me ortakun tjetër që ai ka pretendime të tjera.
Arben Ahmetaj: Po.
Çim Peka: Por, aty një gjë, aty një gjë ngelet fakt. Që vetë tenderi është aferë e pastër korruptive.
Arben Ahmetaj: Qy mo, unë e kam kundërshtuar me Damian Gjiknurin. E kam kundërshtuar. Po.
Çim Peka: Më ka nisur një foto, njëri prej ortakëve, kur keni akuzuar për këtë, edhe që e keni kundërshtuar. Jeni dhe ju tek inaugurimi i fillimit të punimeve.
Arben Ahmetaj: Patjetër, po pse çfarë? Se unë isha, se unë isha drejtuesi i Vlorës. Drejtues politik i Vlorës.
Çim Peka: Po. Dhe investimi ishte në territorin e Vlorës.
Arben Ahmetaj: Edhe, edhe çfarë se isha atje? Ç'punë kam unë me procedurën? Unë kur kam pasur punë dikur për të thënë fjalën time, unë do shkoja edhe ke inaugurimi i përfundimit të punimeve nëse, nëse, nëse drejtësia do vihet në vend ore. Patjetër. Pavarësisht se sot tashmë Plaçkitësja i ka shpërndarë ato duty-free-të aty, që pa u inauguruar. E dinë të gjithë. Tashi, çfarë tha Behgjeti? Behgjeti tha që në zyrë të saj u nda koncesioni. Ë? E tha publikisht. Po. Foli dhe për një 3 milionësh, që nuk rezulton zyrtarisht. Duhet të jenë parë. Ato ma tha dhe mua. Duhet të jenë parë.
Çim Peka: Ato ma konfirmoi dhe tha e kam bërë nëpërmjet bankës në Turqi. Mirë o mirë, punët e tija nuk, se kam me Behgjetin unë. Se thamë, se kam me Behgjetin unë. E kam me procedurën. Ç'punë kam unë me Behgjetin? S'duhej dhënë ashtu aeroporti. E di çfarë na thoshte Rama mua dhe Damianit, talleshim me neve. Për ai s'tallej se në punën time unë jam ë, i zoti i vetes. Edhe, edhe Damiani në punën e vet i zoti i vetes, vetë. Më i bën kjo mua. I thamë për Air Albania. Ore nuk funksionon. Kështu. Fatkeqësisht nuk funksionoi. I thamë për, ja e fundit pastaj të shkosh te ata që të financojnë, këta të reklamave. Ata që të financojnë me reklama thashë.
Çim Peka: Ata që bëjnë marketing për vete. Dhe financojnë biznesin e tyre.
Arben Ahmetaj: Tërhiqem. Ata që financojnë biznesin e tyre dhe që të furnizojnë me reklama, tërhiqem, të kërkoj ndjesë për për fjalëshin e gabuar. Po më, kemi ngulur këmbë me Damianin, jo nuk bëhet kështu. Dhe duhet të fillojë, e ka letra. Ka letra. Dhe duhet të fillojë nga një projekt i vogël për t'u testuar. Pse? Se aq është qielli i Shqipërisë, do ta shikoni. Aq është qielli i Shqipërisë. Nuk dua unë të flas se çfarë do ndodhë me aeroportin e Vlorës, se nuk dua të marr përsipër gjëra që nuk jam profesionist. Por sigurisht që qielli është xha i alokuar në një aeroport tjetër, i gjithi pothuajse. Nejse. Vijmë te Porto Romano. Porto Romano, po më fal, tani do shkojmë në publicitet pastaj, dakord. Pastaj do vijmë tek të gjitha. Sepse të gjitha këto dosje që ju do i sqaroni çfarë janë. Po po. Patjetër.
Çim Peka: Shkojmë në një hapësirë publicitare, kthehemi pas pak. Është një grumbull i madh dosjesh që zoti Ahmetaj për herë të parë i ka marrë SPAK-u me mua, që do i shtjellojë dhe do i sqarojë për ju çfarë janë. Ndoshta është pjesa, pjesa më interesante besoj unë e intervistës. Për mua sigurisht, po zoti Ahmetaj.
