Ibrahim Hasan, një anëtar i stafit trajner të kombëtares egjiptiane dhe vëllai i trajnerit Hosam Hasan, ka folur për ndeshjen e ...
POLITIKE
‘Albanian Files’/ Berisha: Ato projekte janë të gjitha të porositura dhe miratuara nga Rama
PiranjatPërditësimi i fundit 7 Korrik 2026, 13:06
Duke ju përgjigjur interesit të medias për librin ‘The Albanian Files’, kreu demokrat Berisha tha se, “ato projekte janë të gjitha të porositura me udhëzimin, orientimin dhe janë të miratuara nga Edi Rama”.
Mariglen Kume, MCN TV. Pyetja e parë ka lidhje me temën që ju trajtuat në pjesën e parë të konferencës, pikërisht me librin ‘Albanian Files’. Cili është elementi që sipas jush, ose sipas Partisë Demokratike, e ngarkon me përgjegjësi penale kryeministrin Edi Rama tek ai libër, për të cilin ka thënë se nuk është ai autori, por ka bërë vetëm parathënien e tij? Çfarë di Partia Demokratike më shumë rreth kësaj?
Sali Berisha: Së pari dua t'ju them, them haptas, unë vetëm dy javë më parë kam marrë vesh ekzistencën e këtij libri.
Nuk kisha dëgjuar kurrë për të.
Dhe vetë autori pranon se e ka zhvilluar në mënyrë sekrete, prandaj e ka quajtur dosja, duke e krahasuar me dosjet e sigurimit të shtetit. E kupton tani?
Prandaj e them unë që kjo ngjarje nuk është e regjistruar në ‘Makondon’ e Garcia Markesit. Ne po e studiojmë këtë se kjo është, thashë, dosja më kriminale.
Ato projekte janë të gjitha të porositura me udhëzimin, orientimin e Edi Ramës. Ato leje janë, ato projekte janë të miratuara nga Edi Rama.
Se nuk ka studio në botë që të vijë dhe të englediset duke bërë një hotel mbi kanionin e Gipesë pse i shkrepi në mendje atij. Kujt do t'ia thotë Edi Rama këto?
Ndaj dhe ai nuk shpëton nga kjo.
Kjo është Shqipëria çiflig i Edi Ramës, i dorëzuar totalisht mafies së drogës dhe organizatave kriminale për ndërtim, për zhvillim, për larje parash, për larje parash, kjo është e gjitha.
