Forcat e Ndërhyrjes së Shpejtë janë vendosur përpara Kuvendit, pas tensioneve të raportuara, gjatë protestës e cila po...
POLITIKE
“Albanian Files”, libër i Ramës dhe njerëzve të mi!”, Këlliçi nga Kuvendi: Të ngrihet komision hetimor për projektet e arkitektëve të huaj në Shqipëri
PiranjatPërditësimi i fundit 30 Qershor 2026, 11:01
Deputeti i Partisë Demokratike, Belind Këlliçi, ka kërkuar nga foltorja e Kuvendit ngritjen e një komisioni hetimor parlamentar për të verifikuar mënyrën se si, sipas tij, arkitektë të huaj kanë përfituar projektet më të mëdha publike në Shqipëri.
Gjatë fjalës së tij, Këlliçi akuzoi mazhorancën se po refuzon të diskutojë çështje që, sipas tij, po ngjallin shqetësim edhe në arenën ndërkombëtare. “Ky Parlament nuk duhet të sillet sikur jashtë këtyre mureve nuk po ndodh asgjë. Ju refuzuat debatin. Atyre iu dëgjua fjala në Parlamentin Europian, ndërsa ju refuzoni të diskutoni për ta. Parlamenti Europian ka kërkuar shprehimisht shfuqizimin e ligjit të miratuar, ndërkohë që ju heshtni dhe nuk jepni asnjë shpjegim për atë që i hapi rrugën, sipas opozitës, tjetërsimit të pronave të shqiptarëve,” deklaroi ai.
Deputeti demokrat iu referua edhe librit “Albanian Files”, duke pretenduar se ai dokumenton mënyrën se si janë zhvilluar projektet urbanistike në vend gjatë 13 viteve të fundit. “Ky parlament nuk duhet të sillet sikur nuk po ndodh asgjë jashtë këtyre mureve. Ju refuzuat debatin. Atyre iu dëgjua fjala në PE, ndërsa ju e refuzoni që të diskutoni për ta. PE kërkoi shprehimisht shfuqizimin e ligjit të miratuar. Ndërkohë që ju heshtni, nuk jepni asnjë shpjegim që i hapi rrugën vjedhjes së pronës së shqiptarëve. Albanian files tregon se si në 13 vite arkitektë ndërkombëtar të bënin projekte, pa marrë parasysh se nga vinin këto para. Ky nuk është libër i opozitës, një pamflet politik, por libri i Edi Ramës dhe njerëzve të tij, njerëzve që kanë qenë në zemër të projekteve të mëdha të këtij vendi. Në këtë libër plot 750 faqe, nuk shfaqet asnjë arkitekt shqiptar, por të huaj. Problemi nuk është se kryeministri flet me arkitektët, por projektet lindin nga marrëdhëniet personale të tij dhe jo nga ligji. Të ngremë një Komision Hetimor për të hetuar se si kanë përfituar arkitektet e huaj projekte në vendin tonë.” u shpreh Këlliçi.
Në përfundim, Këlliçi bëri thirrje për ngritjen e një komisioni hetimor parlamentar që të shqyrtojë procedurat dhe përfitimet e projekteve të realizuara nga arkitektë të huaj në Shqipëri.
