Është arrestuar autori i plagosjes në Shijak, Elton Beqiri.
Ngjarja u regjistrua një ditë më parë, ku i plagosur mbeti Bjo...
POLITIKE
Ambasadori i BE: Siguria ushqimore nuk është thjesht një procedurë teknike
PiranjatPërditësimi i fundit 8 Qershor 2026, 10:57
Ushqimi që qytetarët konsumojnë çdo ditë është gati t'i nënshtrohet një transformimi rrënjësor falë një investimi masiv ndërkombëtar.
Ambasadori i BE-së në vendin ton, Silvio Gonzato prezantoi projektin e ri prej 12.5 milionë eurosh, i financuar nga Bashkimi Evropian dhe me një kontribut shtesë prej 1 milion eurosh nga qeveria gjermane, i cili synon të revolucionarizojë sigurinë ushqimore në Shqipëri.
I prezantuar pikërisht në Ditën Botërore të Sigurisë Ushqimore, me praninë e Ministres së Bujqësisë dhe Ambasadorit Gjerman, Goinzato tha se ky plan premton të garantojë standarde evropiane "nga bujku te tryeza".
Gjatë prezantimit, ambasadori theksoi se siguria ushqimore nuk është thjesht një procedurë teknike, por një e drejtë themelore publike. Cilësia e produkteve bujqësore vendase do të fuqizohet përmes një mbikëqyrjeje të rreptë e të pandërprerë.
Për këtë qëllim, laboratorët, inspektorët dhe veterinerët do të pajisen me fjalën e fundit të ekspertizës, ofruar nga organizata gjermane GIZ, për të ngritur një sistem efikas kundër çdo rreziku të mundshëm ushqimor.
Për konsumatorët, kjo lëvizje përkthehet në një garanci absolute për çdo produkt që vendoset në tryezë, ndërsa për fermerët dhe bizneset, në një mundësi të artë për t'u bërë më konkurrues në tregjet ndërkombëtare.
Ndërkohë që vendi hedh hapa vendimtarë drejt anëtarësimit në BE, zbatimi i inspektimeve dhe analizave laboratorike me rregullat e unionit mbetet prioritet. Një nismë e tillë tregon qartë se potenciali bujqësor, nga vaji i ullirit e deri te prodhimet e përditshme, do të mbrohet dhe zhvillohet si asnjëherë më parë.
