Enton Abilekaj: Nëse marrëveshja me SHBA-në votohet pa u lexuar, vetëm protesta mund ta ndalë

Analisti Enton Abilekaj ka reaguar për marrëveshjen që pritet të shqyrtohet në Kuvend, duke paralajmëruar se miratimi i saj pa u lexuar në seancë plenare do të ishte një precedent i rrezikshëm.

Sipas tij, opozita nuk duhet ta votojë dokumentin në këto kushte, ndërsa argumenton se, nëse kjo ndodh, protesta do të mbetet e vetmja mënyrë për të kundërshtuar dhe shpëtuar vendin.

Postimi
Nese opozita u nenshtrohet edhe kete here komplekseve ndaj SHBA dhe voton marreveshjen pa u lexuar ne seancen plenare, atehere vetem Protesta mund ta shpetoje vendin nga mashtruesi qe perdor nje dokument strategjik per tu krijuar shqiptareve idene e rreme se ka nje raport special me Washingtonin.
Sado prej letre te jete Shteti, sado i zhytur ne korrupsion dhe si rrjedhim ne servilizem dhe vulnerabilitet ndaj aleateve te medhenj, votimi pa u lexuar ne seance do ishte fundi pa dinjitet i sovranitetit qe ka rene ne duar sharlatanesh.
Pastaj Protesta duhet te marre urgjentisht ne dore insitucionet, me te gjitha mjetet, me nje pergjigje proporcionale ndaj policise politike qe edhe sot po keqperdoret nga kryemashtruesi.