16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
POLITIKE
Apeli i Sazanit Gurit: Nëse ne nuk e mbyllim me fitore, gjeni vend e futuni se ai do hakmerret shumëfish
PiranjatPërditësimi i fundit 9 September 2026, 21:09
Në ditën e 102-të të protestës, profesori Sazan Guri u ka bërë thirrje pedagogëve, studentëve dhe qytetarëve brenda e jashtë vendit që t’i bashkohen tubimit. Guri kërkoi mobilizim nga universitetet dhe diaspora, duke e cilësuar bashkimin si çelësin për fitoren e kauzës.
Ai u bëri apel edhe pedagogëve të tjerë që të angazhohen në protestë, së bashku me studentët dhe familjarët e tyre.
“Ne tre profesorët që ndodhi në këtë shesh duhet ta gjejmë mënyrën sesi duhet të trokasin te profesorët e tjerë të Universiteteve që ata të vijnë bashkë me familje, me prindër, me studentë dhe nxënës, sepse jemi si asnjëherë tjetër në këtë ditë nevoje që ka Shqipëria dhe bijtë e saj. Nuk duhet të kursehen nga Amerika deri në Shqipëri dhe të mblidhen”, deklaroi Guri.
Profesori u bëri thirrje qytetarëve të lënë mënjanë dallimet dhe të bashkohen kundër qeverisë, të cilën e cilësoi si “të keqen e madhe”.
“Ne duhet të jemi bashkë. Ajo që na bashkon është fryma ndaj asaj të keqe të madhe. Nuk ka kauza që nuk fitohen, por ka njerëz që tërhiqen. Nëse ne nuk e mbyllim me fitore, gjeni vend e futuni se ai do hakmerret shumëfish. Por ne nuk e kemi frikë, prandaj vetëm bashkim”, tha Sazan Guri.
