Zonat malore në qarkun e Kukësit po përjetojnë kushte klimaterike dimërore, ndonëse jemi ende në fund të muajit tetor.
...
POLITIKE
Arben Llangozi: Rama dhe dy ministret fjetën në një suitë luksoze në Greqi
PiranjatPërditësimi i fundit 9 January 2026, 14:14
Avokati Arben Llangozi ka denoncuar se kryeministri Edi Rama së bashku me dy ministre të qeverisë së tij kanë zgjedhur të flenë në një suitë luksoze në Greqi.
“Edi Rama paska ditur ta shijojë pushtetin jo vetëm nga zyra, por edhe nga krevati i luksit. Kjo suitë në shtetin grek, superluksoze, që sipas këtyre akuzave dyshohet se është paguar me para korrupsioni, qenka shndërruar në strehë rehatie për kryeministrin dhe dy ministre të kabinetit të tij”, shkruan avokati i njohur.
Postimi i plotë:
Sipas denoncimit /Kjo është suita greke ku Rama dhe ministret Ibrahimaj e Balluku flenë rehat në luks
Sipas denoncimit publik të bërë mbrëmë nga Arben Ahmetaj, kryeministri Edi Rama paska ditur ta shijojë pushtetin jo vetëm nga zyra, por edhe nga krevati i luksit. Kjo suitë në shtetin grek, superluksoze, që sipas këtyre akuzave dyshohet se është paguar me para korrupsioni, qenka shndërruar në strehë rehatie për kryeministrin dhe dy ministre të kabinetit të tij.
Ndërkohë që shqiptarëve u flitet çdo ditë për sakrifica, inflacion dhe shtrëngim rripi, Rama sipas këtij denoncimi paska zgjedhur të flejë mes luksit, qetësisë dhe shoqërisë ministrore, larg halleve të qytetarëve. Ironia qëndron në faktin se qeverisja predikon moral dhe transparencë, por akuzat flasin për privilegj, errësirë dhe heshtje.
Këto prova janë në dosjen e SPAK i cili nuk ka marrë asnjë masë ndaj Kryeministrit Edi Rama. Nëse këto pretendime janë të pavërteta, atëherë institucionet kanë detyrimin të sqarojnë publikun.
Nëse jo, atëherë suita greke mbetet simboli perfekt i një pushteti që fle i qetë, ndërsa qytetarët mbeten zgjuar me hallet e tyre.
