Detaje të reja janë zbuluar nga operacioni “Lulet e së keqes” të zhvilluar në Greqi, ku u sekuestruan 84 kg kokainë ...
POLITIKE
Arrestimet e hajdutëve paralizon qeverinë, buxheti i 2025-ës akoma me suficit në Janar
PiranjatPërditësimi i fundit 5 Janar 2026, 19:13
Shqipëria po përballet me një fenomen të paregjistruar më parë, paralizimin e shpenzimeve publike. Ndonëse buxheti i shtetit duhet të ishte ekzekutuar plotësisht deri në datën 31 dhjetor, Kapitali.al ka mësuar se buxheti i 2025-ës vazhdon të jetë me sufiçit buxhetor edhe sot që është data 5 janar e vitit 2026. Për vitin e kaluar, qeveria kishte programuar një defiçit buxhetor prej 61.6 miliardë lekësh ose rreth 640 milionë eurosh.
Arrestimet e drejtorëve të institucioneve më të rëndësishme shpenzuese të shtetit duket se kanë paralizuar totalisht ekzekutimin e buxhetit të shtetit. Sipas ligjit, qeveria ka kohë deri në 31 janar për të ekzekutuar shpenzimet e buxhetit 2025. Por me problemet në ARRSH, AKSHI apo dhe institucione të tjera që mbajnë peshë kryesore tek shpenzimet publike, duket se ekzekutimi i buxhetit do të jetë një sfidë e madhe. Veçanërisht Agjencia Kombëtare e Shoqërisë së Informacionit rezulton të jetë paralizuar plotësisht, tashmë prej një kohe të gjatë. Thuajse gjatë gjithë vitit të kaluar, AKSHI u bllokua nga ankimimet e tenderave në Komisionin e Prokurimit Publik, për shkak të përplasjes me Ermal Beqirit dhe Gerond Meçes.
Kjo situatë nuk u zhbllokua dot plotësisht as nga pengmarrja e dyshuar e Meçes nga grupi i Beqirit, ndërkohë që nga mesi i muajit të kaluar, drejtoresha e AKSHI-t Mirlinda Karçanaj u vendos në masën arrest shtëpie, si pjesëmarrëse e grupit të strukturuar kriminal që vidhte tenderat e AKSHI-t. Për të shpëtuar nga kolapsi buxhetor në mosrealizimin e shpenzimeve, qeveria miratoi një vendim, i cili e lejon ministrinë e Financave, që çdo shpenzim të paekzekutuar ta kalojë në Fondin e Pensionistëve.
Ky fond me sa duket do të jetë varka e shpëtimin për të nxjerrë qeverinë nga pamundësia për ekzekutuar shpenzimet publike, ndërkohë që kaosi në menaxhimin e parasë publike dëmton ekonominë./syri
