Një aksident i rëndë rrugor është regjistruar në orët e para të mëngjesit në aksin Dukat–Orikum, n&eum...
POLITIKE
"Balluku po hetohet në heshtje totale, AKSHI nuk quhet as grup kriminal", Shehaj: SPAK ka prodhuar më shumë show se rezultate
PiranjatPërditësimi i fundit 7 Maj 2026, 18:20
Ekspertja e ekonomisë, Brisida Shehaj, e ftuar në emisionin “Task-Forcë” në SYRI TV, ka kritikuar funksionimin e SPAK dhe mënyrën e hetimit të dosjeve të bujshme në vend.
Sipas saj, pas disa vitesh funksionimi, institucionet e drejtësisë nuk kanë prodhuar rezultate konkrete në luftën kundër korrupsionit dhe krimit të organizuar, ndërsa shumë çështje të rëndësishme vijojnë pa përgjegjësi reale dhe pa pasoja për personat e përfshirë.
Brisida Shehaj: Mos prisni interpelanca për çështjen e AKSHI-t. Po do të kthehemi te ajo që po thosha. Kemi gjashtë vite, në vitin e shtatë SPAK-un. Ben Kraja fjeti gjumë. Altin Dumani bëri shou. Klod Braho nuk e di çfarë emri do i vëmë në vitin e tretë apo kur të lëri mandatin e Klodian Brahos, sepse po të shohim të gjithë dosjet më të mëdha, të bujshme që janë hetuar, nuk kanë prodhuar asgjë. Sterilizimi nuk prodhoi asgjë. Kontrata u zgjat, u mbyll, u transferua tek shteti. 5D-ja nuk prodhoi asgjë. Ky i ARRSH-së, ‘Net Group’ vazhdon të fitojë tendera, nuk është as i sekuestruar si kompani, pra nuk i është vënë as sekuestro që t'i kenë vajtur paratë tona. Grupet kriminale vazhdojnë të punojnë, të fuqizohen. Pra, SPAK-u deri më sot nuk na ka funksionuar as për hetim, as për parandalim. Kështu që jemi në këtë fazë.
Gjykata kur nuk e çon maksimalisht hetimin prokuroria, mos prit ndonjë gjë të madhe të bëjë gjykata, dhe të mendojnë që dhe të mendojnë që gjykatat janë gjithmonë më të prirura për të, për të parë ndjekjen e procedurave, si janë bërë, si janë bërë hetimet, si janë marrë provat e këto historira. Kështu që mos pretendojmë shumë te gjykata them unë, sepse ne kemi parë në fakt që gjyqtarët edhe me emra këta gjyqtarë, janë, gjatë, që kanë qenë gjyqtarët paraprak në dosjet hetimore, kanë tentuar dhe kanë orientuar prokurorët e SPAK-ut dhe i kanë thënë, “Ej, këtu do të jetë grup i strukturuar kriminal, këtu do të hetosh këtë, do të hetosh paranë e tjetrën e tjetrën” dhe prokurorët e SPAK-ut janë ankuar duke thënë, kush jeni ju të na tregoni ne se çfarë do të bëjmë dhe çfarë do hetojmë ne. Kthehemi te dosjet aktuale. Janë dy dosje aktuale, të cilat po hetohen në mënyrë totalisht të kundërta me njëra-tjetrën.
Pra kemi dosjen që heton Dritan Prençi, që është dosja e zonjës Belinda Balluku, e cila po hetohet në heshtje totale dhe me thënë të drejtën unë nuk jam duke e parë në aspekt negativ këtë lloj hetimi. Pra nuk po bëhet një shou mediatik. Kemi dhe dosjen e AKSHI-t që për një korrigjim të vogël edhe të kolegëve në studio, nuk është grup i strukturuar kriminal, por në akuzë, në mos gaboj unë, Bled Maksuti duhet të jetë dhe Altin Dumanin te kjo dosje, kanë nenin e organizatës kriminale, pra niveli më i lartë, më i lartë. Po, pra janë më nalt. S'ka më, më nalt se kaq nuk ka. Organizatë kriminale, që do të thotë, këta janë duke bërë këtë shoun e famshëm, përfshirë për shembull edhe me vëllain e ministrit që i sekuestrohen vetëm ca lekësh që ka në bankë kompania, po ndërkohë nuk ka masa për këta individë të cilët kanë shërbyer në gjithë këtë skemë. Pra, të gjithë këta njerëz apo ku di unë, një tjetër kompani tjetër që blinte çokollata ke te emri mbiemër Rryta. Se kush është ky me mbiemër Rryta e dinë të gjithë. Se çfarë hetimesh kanë patur më përpara këta, e dinë të gjithë sepse mua dhe për shkak të detyrës që kam mbajtur te funksionit, nuk më lejohet të flas. Por organet i dinë.
Kështu që, i di administrata hetimore, administrata doganore, organet hetimore i dinë se kush janë. Dhe këta janë të gjithë njerëz të lirë. Dhe çfarë ka ndodhur? Ai thjesht ka marrë fatura që ka blerë. Një kompani IT-je që 10 milionë euro blente çokollata apo biskota. Pra, në këtë situatë, nuk kemi ndonjë gjë të re dhe unë mendoj që këtu problemi është i hetimit për sa kohë është i ngadaltë me provat që ka, me të gjithë provat që janë hulumtuar dhe ne kemi patur mundësi dhe të lexojmë, por ka dhe një problem tjetër, që nuk e shuajmë me vendimin, me thënë të drejtën, sepse vendimi i Gjykatës së Lartë pra, nuk bëri se bëri ndonjë ndryshim të vendimit kualifikues. Vetëm bëri ca specifikime të cilat nuk ndikojnë fare te kjo pjesa që ka ndodhur me rastin e Karçanajt.
Pra, në këto momente, ata, nuk e di kush ka qenë treshe që e ka marrë vendimin, Gjykata e Lartë. Nuk e di kush është. Nuk e kam patur mundësi ta lexoj apo ndoshta nuk ka dalë, por ata gjyqtarë nuk paskan vlerësuar që kjo organizatë kriminale është mjaftueshëm e rrezikshme që kush janë pjesëtarë të saj të përfitojnë lehtësira. Pra, se normalisht vetëm nga rëndësia e veprës, sa është agravanti i veprës, vetëm nga kjo gjë ata janë njerëz që sigurisht, arrestin në shtëpi patjetër për një zonjë, për një femër gjykohet i pranueshëm për sa kohë ka edhe fëmijë. Por mos harrojmë që ti ke Ergys Agasin që të gjithë e dinë që vjen vërdallë Tiranë-Durrës, Durrës-Tiranë dhe nuk e sheh askush.
