“Ballukut nuk i kishin mjaftuar 300 apartamente!"/ Protestuesi: Nga vilat në jug, Belinda do përfundojë me një dhomë në burgun e Pogradecit

Gjatë protestës së 19-të qytetare, një prej aktivistëve hodhi akuza të forta ndaj zëvendëskryeministres Belinda Balluku, duke kërkuar hetim të pasurisë së saj dhe duke përsëritur thirrjet për veprim nga organet e drejtësisë.

Në fjalën e tij, aktivisti deklaroi se emri i Ballukut është përmendur sërish me pasuri të pajustifikuara.

Aktivisti: Do e bëjmë edhe atë thirrjen për atë ish-zv.kryeministren që kemi dëgjuar se i ka shkuar përsëri emri për t’u paraqitur aty te dyert me kangjella: Rama në burg, Belinda në burg. Duket se zonjës në fjalë nuk i kishin mjaftuar 300 apartamente. Na dolën përsëri informacione se paska edhe vila në jug, por siç duket, kështu si po shkon, nga vilat në jug dhe apartamentet në Tiranë, do të përfundojë me një dhomë në burgun e Pogradecit.

Një mesazh për drejtësinë, shqiptarët nuk mjaftohen më vetëm me burgosjen e politikanëve, nëse pasuritë nuk konfiskohen dhe nuk u kthehen njerëzve, burgosja nuk mjafton. A e dini pse nuk mjafton, e patë burgun e Peqinit si ishte, si hotel me 5 yje.