Kosova prodhon qumësht, djathë, kos e produkte të tjera të bulmetit.
Fabrikat kanë investuar në teknologji, fermerët kan&e...
POLITIKE
Banka e Shqipërisë, si agjenci imobiliare, reklamon shitjen e apartamenteve që nuk financohen nga sistemi bankar
PiranjatPërditësimi i fundit 5 Janar 2026, 13:41
Besart Xhaferri ka reaguar ashpër ndaj Bankës së Shqipërisë, duke e akuzuar se po vepron si agjenci imobiliare në funksion të pastrimit të parave. Në një deklaratë publike, ai denoncoi faktin se kjo bankë po promovon shitjen e apartamenteve që nuk financohen nga sistemi bankar, në një kohë kur institucionet ndërkombëtare si FMN, Banka Botërore dhe vetë SPAK kanë ngritur alarmin për ndërtimet si kanal për para të pista. Sipas Xhaferrit, përmes deklaratave të saj, Banka e Shqipërisë tenton të legjitimojë një treg të dyshimtë, ku përfshihen edhe blerje nga shqiptarët e Kosovës të cilët, sipas tij, etiketohen në mënyrë të gabuar si “të huaj”.
Xhaferri: Banka e Shqipërisë, si agjenci imobiliare, reklamon shitjen e apartamenteve që nuk financohen nga sistemi bankar.
Në një kohë kur SPAK-u, agjencitë partnere ligjzbatuese, FMN-ja dhe Banka Botërore po ngrenë alarmin për pastrimin e parave në ndërtim, Banka e Shqipërisë vijon të reklamojë shitjen e apartamenteve në kullat e Tiranës dhe investimet strategjike në bregdet.
Në njoftimin e saj të fundit, Banka e Shqipërisë pretendon se 15% e pronave të shitura në vitin 2025 në Shqipëri janë blerë nga të huajt, duke mos e specifikuar nëse bëhet fjalë për Tiranën apo bregdetin.
Ky njoftim spekulativ vijon edhe më tej, pasi në krye të listës së të huajve janë ata nga Kosova, pra shqiptarë që, për Bankën e Shqipërisë, konsiderohen të huaj.
Më pas vijnë në radhë të huaj nga Zvicra, Austria dhe Belgjika, vende ku prevalon diaspora jonë po ashtu me shqiptarë nga Kosova.
Banka e Shqipërisë me urdhër të Edi Ramës është vënë kokë e këmbë në shërbim të pastrimit të parave të pista dhe këtë e kam denoncuar edhe në Komisionin e Ekonomisë dhe në Parlament.
Ndaj, sot në orën 18:00, të gjithë do të jemi në shesh para Kryeministrisë kundër shtetit që është vënë kokë e këmbë në shërbim të pastrimit të parave!
