Ditën e sotme dollari amerikan në blerje do të këmbehet me 78.7 lekë, në shitje me 79.7 lekë.
Euro do të blihet me 91...
POLITIKE
Beqiraj-Ramës: Ah Sotir, BE kërkon shumë punë, por ti bredh katoqeve të botës
PiranjatPërditësimi i fundit 16 Janar 2026, 17:39
Ish/zv-ministrja e Financave në qeverinë Rama, Irena Beqiraj ka ironizuar deklaratat e sotme të Edi Ramës, në lidhje me integrimin në BE.
Me një status në rrjetet sociale, Beqiraj, shkruan se, ‘ligjet mund ti përshtasim edhe me ndihmën e inteligjencës artificiale brenda 2030, por nuk do të mund të anëtarësohemi pa implementimin e plotë të tyre edhe plotësimin e kushteve të BE-së!’
Reagimi i Irena Beqiraj:
Ah Sotir, Sotir!
Edi Rama sot na informoi se ‘Në kushtet e sotme, jemi të paintegrueshëm në BE për shkak të nivelit të pamjaftueshëm të sigurisë ushqimore sipas kritereve të BE.
Për këtë arsye po përpiqemi të fitojmë një fazë të ndërmjetme prej 5 vitesh pas anëtarësimit. Vitet kalojnë shpejt dhe përgatitjet duhet të fillojnë tani. Në raport me kriteret e sigurisë ushqimore të BE, jemi ende larg’
Pse vetëm tek siguria ushqimore?
Po tek menaxhimi i tokës, po tek çështjet e mjedisit edhe menaxhimit të mbetjeve sa do të jetë periudha e ndërmjetme?
E pra, thënë thjesht e shkurt ligjet mund ti përshtasim edhe me ndihmën e inteligjencës artificiale brenda 2030, por nuk do të mund të anëtarësohemi pa implementimin e plotë të tyre edhe plotësimin e kushteve të BE-së!
Pra kjo ‘faza e ndërmjetme’ është fraza kyçe për të përcaktuar kur do të anëtarësohemi!
Ah Sotir, Sotir !
BE kërkon shumë punë, por ti bredh katoqeve të botës !
