Numri i aksidenteve rrugore në Shqipëri ka vijuar të rritet gjatë vitit 2026, duke arritur në 1,090 aksidente në periudh&eu...
POLITIKE
Berisha: Rama dhe Veliaj dhunuan prokurorët, gjykatësit dhe hetuesit
PiranjatPërditësimi i fundit 19 December 2025, 10:34
Kreu i PD-së, Sali Berisha gjatë takimit me aleatët e opozitës hodhi akuza ndaj Edi Ramës dhe Erion Veliajt duke i cilësuar si të korruptuar dhe dhunues të prokurorëve, gjyqtarëve dhe hetuesve.
Pjesë nga fjala e Berishës:
"Ky takim sot, ndër të tjera synon t’u shprehë mbështetje të plotë atyre që zbatojnë ligji në këtë vend.
Dhe, opozita ka qenë, është dhe do mbetet e përcaktuar për shtetin ligjor, Kushtetutën si kuadri më i mirë për respektimin e lirive dhe të drejtave të qytetarëve.
Natyrisht duke thënë këtë, opozita ka qëndruar dhe qëndron ndaj çdo shkelje, ndaj çdo dhune ligjore të përdorur për qëllime politike.
Dhe këtu, ne jemi të palëkundur në këtë qëndrim.
Por në dallim me të tjerët, opozita nuk ka organizuar, ndonëse ka të drejtë të organizojë, dhunë ndaj organeve të drejtësisë, por është përballur, pavarësisht nga absurditetet që mund të jetë detyruar, ka dëshmuar se në një shtet, Kushtetuta i ndan pushtetet dhe ato duhen respektuar.
Nuk ka bërë atë që ka regjistruar për herë të parë narkoshteti shqiptar, Edi Rama me Erion Veliajn, që rrethuan dhe dhunuan prokurorë, gjykatës dhe hetues, kur u arrestua, kur doli para gjyqit, hajduti i tretë më i madh i vendit."
