“Mos e prek Memaliajn!” Me këtë mesazh dhe pankarta në duar, banorë të Memaliajt dolën në aksin kryesor që l...
POLITIKE
Berisha: Rama fshihet pas vjedhjeve të Ballukut, pengon heqjen e imunitetit të saj
PiranjatPërditësimi i fundit 10 Janar 2026, 13:32
Kryetari i Partisë Demokratike, Sali Berisha gjatë mbledhjes me kryesinë, hodhi akuza ndaj Edi Ramës se fshihet pas aferave korruptive të Belinda Ballukut. Sipas Berishës, autori i vërtetë i vjedhjes është Rama.
Kryedemokrati deklaroi se Rama po pengon heqjen e imunitetit të Belinda Ballukut, gjë e cila do ti hapte rrugën SPAK-ut ta arrestonte.
Pjesë nga fjala e Berishës:
“Edi Rama fshihet pas aferave të Belinda të Ballukut. Autori i vërtet i tunelit të Llogarasë, me 50 milionë euro më shumë është Edi Rama, këtë gjë e dinë mirë shqiptarët. Ndarja në 14 lote e Unazës së Tiranës që ka kushtuar 1 lot deri në 30 milionë euro, u duk që ishte dora e Ramës.
Dihej që Rama do të përdorte të gjitha mjetet për të mbrojtur veten e tij. Ky rast shërben për të marr fajësinë publikisht para shqiptarëve dhe ndërkombëtarëve.
Vetëm një diktator autokrat mund ti lejojnë vetes gabimet që i lejoi Rama Ballukut. 35 vitet e fundit nuk ekziston asnjë rast i vetëm që të jetë refuzuar kërkesa për heqjen e një deputeti të korruptuar.
Rama me veprimet e tij po asgjëson totalisht këtë sistem në raport me shtetin dhe administratën, Gjykatën Kushtetuese siç e patë e kapi në mënyrë barbare, i imponoi të marrë kompetenca kushtetuese të gjykatës së Lartë. Në asnjë nen të legjislacionit nuk thuhet që Kushtetuesja duhet të shqyrtojë një masë që është shqyrtuar në tre shkallë të gjyqësorit, kjo ishte anti-kushtuese”.
