Microsoft po ofron një plan të ri për largim vullnetar nga puna për rreth 60,000 punonjës në Shtetet e Bashkuara, Kanada, Indi dh...
POLITIKE
Berisha: Rama po bën një grusht shteti, qytetarët do t'i përgjigjen me një reagim më 22 dhjetor
PiranjatPërditësimi i fundit 17 December 2025, 14:11
Kryetari i PD, Sali Berisha ka paralajmëruar se Edi Rama po përgatitet për një grusht shteti, teksa shtoi se 22 dhjetori do të jetë fillimi i një beteje dhe përgjigja që qytetarët do t’i japin kreut të qeverisë.
Duke folur në konferencën me gazetarët këtë të mërkurë, 17 dhjetor, Berisha tha se sepse marrja ose bllokimi i pushtetit të drejtësisë, është në vetvete grusht shteti brenda shtetit.
‘Do bëjë një studim të thelluar si udhëheqësi i reformës në drejtësi. Edhe populli do bëjë një reagim të thelluar. Ndaj dhe përballu me popullin’, ishte paralajmërimi i Berishës për pasardhësin e tij, Edi Rama.
Fjala e plotë
Data 22 është fillimi i një beteje, të cilën do ta fitojnë qytetarët.Kjo ngrehinë e kalbur, e ngritur mbi vjedhjen e shqiptarëve, mbi drogën, krimin, po shpërbëhet dhe ne do i japim shtytjen e fundit.
Kjo ngrehinë e kalbur nuk ka më të ardhme.
Pritet vetëm guximi ynë për ta arkivuar në honet e turpit të historisë.
Kjo është e vërteta.
Nuk ndodh...
Kjo që po bën Edi Rama mban erë si një lloj grushti shteti sepse marrja ose bllokimi i pushtetit të drejtësisë, marrja përsipër e pushtetit të drejtësisë, shënon në vetvete grusht shteti brenda shtetit.
Ne po e ndjekim, por në mënyrë absolute do i përgjigjemi me të gjithë forcën tonë.
Drejtësia nuk mund të pengohet.
Jo!
Ne kemi dhënë shembuj, kurrë ne nuk kemi bërë përpjekjen më të vogël.
Kur ne ishim në pushtet, zëvendëskryeministri për këta çakenj që dalin në studio dhe mohojnë çdo gjë, dhe mbrojnë problemet e tyre me Skapin, zëvendëskryeministri dha dorëheqjen pa ardhur nga prokuroria kërkesa. Pa ardhur. Më 14 janar Ilir Meta.
Bazuar në një dokument të manipuluar fund e krye nga Edi Rama dhe Filip Çakulli.
Ministrat dorëzuan imunitetin, dhanë dorëheqjen.
Këto ishin standardet e një vendi demokratik.
Kurse ky lë të kuptohet se nuk ka ndërmend.
Do bëjë një studim të thelluar si udhëheqësi i reformës në drejtësi.
