Ka qenë ministrja për Shtetin dhe Parlamentin, Erjona Ismaili, ajo që ka reaguar pas mbledhjes së qeverisë lidhur me akuzat e pretend...
POLITIKE
Berisha akuza Ramës: Urdhëroi Thesarin para dy ditësh që t’i paguhen baxhanakut të tij 25 milionë euro
PiranjatPërditësimi i fundit 19 Dhjetor 2025, 12:56
Kreu i Partisë Demokratike, Sali Berisha deklaroi se Edi Rama ka urdhëruar dy ditë më parë Thesarin e Shtetit dhe institucionet financiare që të kryejnë me urgjencë pagesën prej 25 milionë eurosh në favor të baxhanakut të tij, si pjesë e një tenderi me vlerë totale 75 milionë euro, të lidhur me projektin për të ashtuquajturin “përmirësim të inteligjencës artificiale”.
Berisha e cilësoi këtë projekt si një mashtrim dhe aferë të pastër korruptive, duke theksuar se pagesa është kryer në mënyrë të përshpejtuar nga frika se institucioni përgjegjës, AKSHI, mund të bllokohet ose sekuestrohet nga organet e drejtësisë.
Deklarata e plotë:
Edi Rama ka urdhëruar dy ditë më parë t’iu paguhen kunatit 25 milionë euro nga tenderi për përmirësimin e inteligjencës artificiale, që është fund e krye një falsitet. Pra, imagjinoni, familja Rama merr për tenderin për përmirësimin e inteligjencës artificiale, se plasi inteligjenca artificiale në Shqipëri, 75 milionë euro. Dhe duke e ditur se AKSHI mund të bllokohet, sekuestrohet, Rama urdhëron Thesarin, urdhëroi financat t’i disbursojnë me urgjencë lotin e fundit të parave të papaguara, 25 milionë euro nga 75.
Përveç këtyre, të dhënat, të cilat ligji i ndalon strikt angazhimin e kompanive të huaja në administrimin e tyre, iu janë ofruar edhe kompanive të huaja. Pra, me një akt që shkel çdo ligj dhe çdo parim, çdo e dhënë personale e çdo shqiptari që ka letërnjoftim apo pasaportë, që ka konto bankare, që ka sigurime shoqërore apo ndihmë ekonomike, të gjitha llojet e të dhënave janë eksportuar në duart e grupeve kriminale në mënyrë që ato të mund të programojnë për interesat e tyre. Edi Rama duhet të japë urgjentisht dorëheqjen.
