Berisha: Sondazhet e fundit tregojnë rënie katastrofike të PS në 29%, vetë Rama është nën partinë

Gjatë fjalës së tij në konferencën me gazetarët, kreu i PD-së, Sali Berisha, u shpreh se sondazhet e fundit të brendshme të PS-së tregojnë një rënie katastrofike të mbështetjes për mazhorancën, duke pretenduar se partia ka zbritur në 29 për qind.

Berisha tha se edhe Edi Rama renditet nën nivelin e mbështetjes së PS-së, duke e cilësuar këtë si shenjë të alarmit dhe të përshpejtimit të shkërmoqjes së mazhorancës.

Fjala e Berishës:

Narkoshteti po shkërmoqet! Po degradon!

Pollet e fundit të bëra nga PS kanë një rënie katastrofale. Partia e krimit është rrokullisur në shifrat e saj në 29 përqind.

Edhe këto, po të heqësh koeficientin e frikës, zbret edhe më poshtë.

Ky nuk është një poll i bërë nga opozita, po ky është poll i brendshëm i vetë partisë së krimit.

Edi Rama vetë qëndron nën partinë. Se atyre u thotë u tërheq unë. Kjo ka ngjallur një alarm të jashtëzakonshëm.