PD: Stop terrorit dhe dhunës së Padrinos ndaj protestuesve paqësorë!

Kryetari i Partisë Demokratike, Prof. Dr. Sali Berisha, ka reaguar pas protestës së zhvilluar mbrëmjen e sotme, duke akuzuar kryeministrin Rama dhe policinë për ushtrim dhune ndaj protestuesve.

Në një status të publikuar në rrjetet sociale, Berisha shkruan se Rama ka provokuar rëndë protestuesit paqësorë dhe ka urdhëruar, narko-policinë t’i sulmojë ata.

Berisha thekson se disa protestues kanë mbetur të plagosur si pasojë e dhunës policore, ndërsa të tjerë janë shoqëruar në polici. Ai kërkon lirimin e menjëhershëm të personave të shoqëruar.

“Stop terrorit dhe dhunës së Padrinos ndaj protestuesve paqësorë!”, shkruan Berisha.

Reagimi i plotë:

Deklaratë e Partisë Demokratike.

 Stop terrorit dhe dhunës së Padrinos ndaj protestuesve paqësorë!

Sonte, Edi Rama provokoi rëndë protestuesit paqësorë nga zyra e tij dhe urdhëroi narko-policinë t’i sulmonte ata pa asnjë motiv, me shkopinj, shkelma, topa uji dhe mjete të tjera. Disa protestues u lënduan me plagë nga dhuna policore, të tjerë u morën forcërisht pa asnjë shkak në rajonin e policisë.

Partia Demokratike, duke shprehur solidaritetin e saj me protestën rinore-qytetare, dënon me forcën më të madhe dhunën e egër të urdhëruar nga Padrino ndaj protestuesve dhe kërkon lirimin e menjëhershëm të personave të shoqëruar në polici.