16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
POLITIKE
Berisha takon kongresmenin Keith Self: Korrupsioni, trafiku i drogës dhe qeveria teknike në fokus
PiranjatPërditësimi i fundit 8 September 2026, 17:45
Lideri i opozitës Sali Berisha, i shoqëruar nga kreu i Partisë Republikane, Fatmir Mediu, zhvilloi një takim me kongresmenin amerikan Keith Self. Në fokus të bisedës, sipas opozitës, ishin trafiku i drogës, korrupsioni dhe ndikimi i krimit të organizuar në proceset zgjedhore në Shqipëri.
Berisha akuzoi qeverinë e Edi Ramës se përdor paratë e drogës dhe strukturat e krimit të organizuar për të ndikuar në zgjedhje dhe për të konsoliduar pushtetin. Ai deklaroi gjithashtu se Rama ka dëmtuar institucionet e pavarura dhe ka përqendruar pushtetin në duart e tij.
Një tjetër çështje e diskutuar ishte situata në Ballkan dhe ndikimi i zhvillimeve gjeopolitike, veçanërisht roli i Rusisë. Berisha vlerësoi qëndrimet e kongresmenit Self për Kosovën, Luginën e Preshevës dhe çështjet e sigurisë në rajon. Në takim u diskutua edhe ideja e një qeverie teknike si mekanizëm për garantimin e zgjedhjeve të lira dhe të ndershme, duke marrë si referencë modelin e Maqedonisë së Veriut.
Sipas Berishës, një zgjidhje e tillë do të krijonte kushtet për një proces zgjedhor ku pushteti përcaktohet përmes votës së lirë. Kongresmeni Self, nga ana e tij, shprehu interes për zhvillimet në Shqipëri dhe situatën në Ballkan, duke deklaruar se do ta ndjekë me vëmendje rajonin.
