Real Madridi kërkoi falje të mërkurën pasi sulmuesi i tyre francez, Kylian Mbappe, shkaktoi reagime të ashpra për komentet e tij d...
POLITIKE
Berisha tregon 'shënimin' që i la Dumanit: E mbylli mandatin me faqe të zezë dhe pasuri të fshehura
PiranjatPërditësimi i fundit 15 December 2025, 10:18
Sali Berisha gjatë një konference me gazetarët, pas dalje nga SPAK, ku zbatoi masën e sigurisë 'detyrim paraqitje', lexoi dhe një shënim që kishte lënë për Altin Dumanin.
Po ashtu kryedemokrati tha se Altin Dumani e mbylli mandatin me faqe të zezë dhe me para të fshehura.
Shënimi që Berisha i la Dumanit
“Armikut të egër të pluralizmit politik dhe të votës së lirë të shqiptarëve, mercenarit të Edi Ramës dhe narkoqeverisë së tij, Altin Dumani, me kujtesën se për veprat e tij të rënda penale, drejtësia një ditë do thotë fjalën e saj”.
Fjala e Berishës
Dumani e mbyll me faqe të zezë, me pasuri të fshehura. Kemi prova të plota. Jam ish-president dhe ish-kryeministër, jap garanci para çdo shqiptari, se asnjë rrogëtar nuk mund të bëhet de-facto me rrogën e shtetit me 4 shtëpi. Ky deklaron se; jam me qira te vjehrri! A e kuptoni ju se çfarë mashtruesi është? Po të thoshte se vjehrri i ka bërë dhuratë një apartament, e pranoj se babai i bën dhuratë vajzës. Ai është aksioner aty, kujt ia thotë këtë. Ku e gjeti ky burimin? Cili njeri mund të jetë me rrogë shteti. Me rrogën e shtetit kam arritur të ble 40 metër katror ndërtim. Mund të blija më shumë, por me kredi. Ça konflikt interesi kam unë? Dhëndri im përfitoi vetëm 64 euro! E kuptoni se çfarë mashtruesish janë këta? Destinacionin e ish-kompleksit Partizani e ndërroi Edi Rama. Ai bashkë me vëllanë e tij kishin ndërmend të ndërtonin aty një qytezë të vetën.
