“Bllokuan banesat për të varfërit”/ Bashkia Memaliaj ngre akuza të rënda ndaj Qeverisë

Kryebashkiaku i Memaliajt, Albert Malaj ka ngritur akuza se Bashkisë i është bllokuar financimi për programin e përmirësimit të banesave. Sipas tij, asnjë aplikim nuk është miratuar, ndërsa pretendon se pas këtij vendimi fshihen ndërhyrje politike.

Malaj thotë se më të prekurit janë pensionistët, personat me aftësi të kufizuara dhe familjet në nevojë, duke paralajmëruar se Bashkia do të ndjekë të gjitha rrugët ligjore për të kërkuar transparencë dhe për të mbrojtur interesat e qytetarëve.