Gazetari Artan Hoxha duke folur lidhur me masën e sigurisë “arrest në shtëpi” ndaj drejtoreshës së SHISH, Vlora Hyse...
POLITIKE
Boçi: Zgjedhja e Vlora Hysenit ka qenë e qëllimshme dhe krejtësisht personale,e pavarur nga asnjë situatë në Shqipëri
PiranjatPërditësimi i fundit 22 Shtator 2026, 21:18
Një skandal i përmasave tronditëse ka dalë në dritë lidhur me kapjen e institucioneve të sigurisë kombëtare dhe përdorimin e tyre për shantazh e interesa të ngushta politike.
I ftuar në studion e emisionit “Ora e Betit” në “Ora News”, Deputeti i Partisë Demokratike Luçiano Boçi theksoi se emërimi i Vlora Hysenit në krye të Shërbimit Informativ nuk ka qenë një rastësi apo një akt patriotizmi, por një skemë e mirëmenduar dhe një investim thellësisht personal i kryeministrit Edi Rama për të konsoliduar pushtetin e tij.
Boçi u shpreh se faktet tregojnë se drejtuesja e institucionit më të rëndësishëm të sigurisë në vend dyshohet të ketë bashkëpunuar me grupe të caktuara kriminale, një veprimtari e lejuar dhe e orientuar për të shërbyer interesave politike të qeverisë.
Zgjedhja e një figure të shkarkuar më parë në Kosovë me arsyetime të forta, u bë pikërisht për të shmangur çdo detyrim apo lidhje lokale që ajo mund të kishte në Shqipëri. E panjohur për publikun dhe strukturat e brendshme, Hyseni u shndërrua në një zyrtare të bindur, e detyruar t'i përgjigjej ekskluzivisht vetëm kryeministrit.
"Të rëndë e bën mbështetja politike që zonja Hyseni ka pasur në emërimin e saj dhe në veprimtarinë e saj, sepse personi që ka qenë garanti i saj është vetë kryeministri.
Është investim personal i tij. Dhe në këtë pikë, ajo që rëndon edhe në gjykimin tim, është pesha politike e një zbuluese të tillë, ku drejtuesja e institucionit më të rëndësishëm të sigurisë së një shteti, bashkëpunon me grupe të caktuara kriminale për interesa, sepse këtu duhet parë, çfarë interesash? Politike. Janë interesa politike, interesa të lejuara nga kryeministri.
Çfarë zbulon skema? Pse u mbështet ky person për t'u bërë drejtoreshë e shërbimit informativ? Do e thoja dhe këtë.
Shfaqja e një personi që vjen nga Kosova nuk bëhet për nacionalizëm pozitiv, për kombëtarizëm, sepse feedback-u i saj në Kosovë ishte i tillë që nuk e lejonte emërimin e saj, por ishte një investim personal."
