Bulevardi për të 4 ditë i mbushur plot! Nis protesta kundër ndërtimit në Zvërnec, qytetarët thirrje për dorëheqjen e qeverisë

Ka nisur protesta e katërt kundër ndërtimit në zonën e mbrojtur të Zvërnecit. Qytetarët kërkojnë anulimin e projektit si dhe dorëheqjen e kryeministrit Edi Rama e ministrave të kabinetit qeveritar.

Ditën e djeshme u mbajt tubimi i tretë, ku bulevardi “Dëshmorët e Kombit” u mbush nga qytetarë që për tre orë me radhë, nga ora 18:00 në orën 21:00 lëhsuan thirrje kundër qeverisë si dhe shpalosën një sërë kërkesash. Parrullat ishin të drejtuara kundër të dy anëve të politikës, ku nuk munguan thirrjet “Rama burg, Berisha burg”.

Protestuesit kërkojnë anulimin e projektit të ndërtimit në zonën e Zvërnecit, duke e cilësuar atë si ndërhyrje në një zonë të mbrojtur dhe duke akuzuar qeverinë për favorizim të interesave private në dëm të pronës publike. Nga ana tjetër, ata pretendojnë se investitorë të ndryshëm po përfitojnë nga toka shtetërore në mënyrë të padrejtë.

Ndërkohë, kryeministri Edi Rama në konferencën e mbajtur ditën e djeshme së bashku me presidentin e Këshillit të Europës, u pyet lidhur me ngjarjen në Zvërnec.

“Investimi nuk ndalon sa kohë unë jam këtu”, tha ai.