Buxheti i shtetit ka regjistruar një suficit rekord prej 70.3 miliardë lekësh (rreth 756 milionë euro) në nëntë muajt të...
POLITIKE
Bushkolaj: Halli i Ramës janë kartelet e drogës, ja pika e përbashkët e tij dhe e Belinda Ballukut
PiranjatPërditësimi i fundit 15 December 2025, 18:24
Tensionet e fundit mes Kryeministrit Edi Rama dhe Strukturës së Posaçme Kundër Korrupsionit dhe Krimit të Organizuar (SPAK) duket se janë pjesë e një strategjie për të larguar vëmendjen nga problemet reale me të cilat përballet qeveria.
Analistët sugjerojnë se përplasja është artificiale, e krijuar për të zhvendosur debatin publik nga çështje thelbësore që lidhen me krimin e organizuar, korrupsionin dhe presionin në rritje ndërkombëtar.
Kulmi i këtij konfrontimi erdhi pas zgjedhjes së kreut të ri të SPAK, një ditë kur në parlament kaloi edhe ligji për amnistinë fiskale.
Ndërsa partnerët ndërkombëtarë, veçanërisht SHBA, theksuan domosdoshmërinë e luftës kundër krimit të organizuar ndërkombëtar dhe mbrojtjen e bizneseve amerikane nga injektimi i parave të narkotrafikut, reagimi i kryeministrit ishte i fokusuar në një narrativë krejt tjetër, duke shmangur plotësisht qëndrimet e tyre.
Një element kyç në këtë dinamikë është vendimi i Gjykatës Kushtetuese për rikthimin në detyrë të zv.kryeministres Belinda Balluku.
Ky vendim, i ardhur pak para reagimit të ashpër të Ramës, shihet si një kontrast i thellë me praktikën gjyqësore, siç ishte rasti i ish-kryeministrit Sali Berisha, i cili u mbajt në arrest shtëpie me argumentin se mund të prishte provat, pavarësisht se nuk kishte pushtet ekzekutiv.
Kthimi i një zyrtari të lartë në detyrë ndërkohë që është nën hetim ngre pikëpyetje serioze për integritetin e procesit hetimor.
Sipas analizës, problemi real i qeverisë Rama shtrihet përtej retorikës publike.
Vëmendja e shtuar e mediave prestigjioze ndërkombëtare, si Fox News, që kanë lidhur zyrtarë të lartë shqiptarë me afera korruptive, dhe narrativat që e krahasojnë Shqipërinë me regjime si ai i Venezuelës, tregojnë për një shqetësim të thellë ndërkombëtar.
Çështja qendrore duket se është lidhja mes parave të karteleve të drogës dhe sektorit të ndërtimit, një fushë ku lejet dhe vendimet merren në nivelet më të larta politike.
Presioni ndërkombëtar nuk vjen më vetëm nga Uashingtoni. Edhe Bashkimi Europian ka filluar të artikulojë një qëndrim të ngjashëm, duke kërkuar zyrtarë të drejtësisë që janë të “pakapur” politikisht dhe që e kanë prioritet luftën kundër krimit. Ky unison mes SHBA-së dhe BE-së sinjalizon se përplasja e iniciuar nga kryeministri nuk është gjë tjetër veçse një manovër për t'iu shmangur një laku që po i shtrëngohet gjithnjë e më shumë nga partnerët perëndimorë.
Gazetari Elkier Bushkolaj, në emisionin “Task Force” me Sonila Meçon në Syri Tv, u shpreh: “Nuk e përmend rastësisht datën 20 nëntor kur Edi Rama pretendon se punonjësit e BKH-së janë sjellë si Isa Boletini në Londër dhe ky u soll si kryeministri londinez që i çarmatosi. Ka dhe diçka, ne erdhëm tek data 11 dhjetor kur ditën që u zgjodh kreu i ri i SPAK-ut, në parlament kaloi paqja fiskale. Po ditën kur u zgjodh kreu i ri i SPAK-ut, ne e analizuam dhe në këtë studio. Pamë dhe reagimin e Ramës dhe reagimin e ndërkombëtarëve. Nuk kishin as edhe një pikë të vetme dhe emërues të vetëm të përbashkët.
Pra, Rama nuk i përmendte askund ndërkombëtarët, ndërkohë që ndërkombëtarët u fokusuan te lufta kundër krimit të organizuar ndërkombëtar dhe mbi të gjitha tek mbrojtja e bizneseve, siç tha ambasada amerikane, bizneseve amerikane, nga injektimi i parave të narkotrafikut dhe korrupsionit në ekonomi. Dhe reagimi i Ramës ishte të dielën pasi me sa duket Gjykata Kushtetuese i dha një farë mburoje ditën e premte, që ishte përkoi data 12 dhjetor që ishte vendimi për rikthimin e Belinda Ballukut në zyrë.
Në të gjitha vendimet e tjera, për kthimet në zyrë apo moskthimet në zyrë, ka qenë argumenti më i qartë që kthimi në zyrë prish provat. Një vit u la në arrest shtëpie lideri i opozitës Sali Berisha, edhe pse nuk kishte absolutisht asnjë lloj pushteti në administratë për prishjen apo për dëmtimin e provave apo kërcënimin e dëshmitarëve. Ndërkohë që këtu u ndoq një tjetër, një standard krejt tjetër. Ndërkohë që ky reagim erdhi vetëm ditën e diel për të krijuar një përplasje që në perceptimin tim është edhe një përplasje artificiale për të zhvendosur debatin nga problemet reale që ka Edi Rama.
Ne kemi me të vërtetë lajmin e Fox News-it për çështjen e Belinda Ballukut, por nëse ne shohim lajmet e ditëve më përpara të mediave prestigjioze amerikane, kanë një emërues të përbashkët, pothuajse të gjitha ‘Rama-Duron’ edhe Venezuelën.
Dhe unë gjykoj që ky është problemi real i Edi Ramës, pra, po i vjen rrotull Edi Ramës për çështjen e karteleve të drogës dhe aty është pika fundore se pasi është e gjitha çështja ekonomike.
Problemi është që çështja e Belinda Ballukut dhe me çështjen e parave të karteleve të drogës kanë disa emërues të përbashkët. Një janë lejet e ndërtimit. Edhe Belinda Balluku, edhe Edi Rama, kanë të drejtën për lejen e ndërtimit.
Nëse ne lexojmë qëndrimet e ambasadës, po së fundmi edhe të Bashkimit Europian, pra, nëse e kemi vënë re... Edhe zëvendësprokurorja e përgjithshme amerikane në takim me zotin Bardhi, aty u ndal.
Po ta keni vënë re dhe Bashkimi Europian që po themi deri para tre muajsh nuk rakordonte askund me qëndrimet e Shteteve të Bashkuara të Amerikës, është bërë Bashkimi Europian nga Uashingtoni dhe me sa tha Gonzato, tha, duam një njeri që të jetë i pakapur për sa i përket aspektit politik dhe mbi të gjitha që të ketë prioritet luftën kundër krimit të organizuar”.
