Një 41-vjeçar është arrestuar në Mallakastër, pasi dyshohet se kishte kultivuar bimë narkotike n...
POLITIKE
Debati te Ligjet/ Ulsi Manja i fik mikrofonin kreut të Unionit të Gjyqtarëve: Jemi ne sovrani
PiranjatPërditësimi i fundit 15 Shtator 2026, 16:51
Një debat i tensionuar është zhvilluar sot në Komisionin e Ligjeve mes kryetarit të tij, Ulsi Manja, dhe kreut të Unionit të Gjyqtarëve të, Gerd Hoxha. Përplasja nisi pasi Hoxha kërkoi të shprehte qëndrimin e Unionit edhe për vendimin e Gjykatës Kushtetuese, mbi pagat e gjyqtarëve, ndërsa Manja e orientoi të fokusohej te projektligji që po shqyrtohej.
Debati u përshkallëzua me replika, deri në momentin kur Manja urdhëroi fikjen e mikrofonit të Hoxhës, duke i thënë: “Ky është Kuvendi i Shqipërisë dhe është sovrani”.
Pjesë nga debati:
Manja: Zoti Hoxha e ka fjalën, për të dhënë edhe ai, në emër të Unionit të Gjyqtarëve të Shqipërisë, qëndrimin në lidhje me, të bëjmë një saktësim, me projektligjin, jo me vendimin e Gjykatës Kushtetuese, vendimi i saj e ka thënë çfarë ka për të thënë vetë, ne duam një qëndrim tuajin me projektligjin që diskutuam sot.
Hoxha: Tani nëse na keni thirrur këtu, do na respektoni dhe do ta dëgjoni çfarë do të themi.
Manja: Jo jo, ju thoni çfarë të doni…
Hoxha: Në qoftë se do të më orientosh se si do diskutoj, më vjen keq, por nuk është kjo. Ne iu respektuam të gjithëve ju, ftesa erdhi 15 minuta përpara, nuk ishte aspak serioze, por për të respektuar Kuvendin, popullin shqiptar, magjistratët dhe Kushtetuesen, ne erdhëm sot këtu për të dhënë mendimet tona. Se çfarë do të diskutojmë ne, brenda kuadrit ligjor, atë e dimë ne, kështu që do t’iu lutesha të na dëgjoni. Do flasim për vendimin e Kushtetuese, ku është zanafilla. Nuk mund të shkojmë të flasim për degët, kur kemi prerë pemën. Nëse e pret pemën, degët bien në tokë, kështu që, ju lutem, na lini të flasim.
Manja: Zoti Hoxha, t’i ndajmë gjërat, ky është Kuvendi i Shqipërisë dhe është sovrani.
Hoxha: Po patjetër!
Manja: Ne kemi shumë respekt për pushtetin që ju përfaqësoni.
Hoxha: Na respektoni se na keni ftuar si miq.
Manja: Të lutem, të lutem, fikeni mikrofonin, nuk regjistron. Ne kemi shumë respekt për ju. Edhe nuk ua kufizojmë të drejtat, shumë faleminderit që keni ardhur, do iu dëgjojmë me shumë vëmendje, fol çfarë të duash, shpreh opinionin në emër të Unionit të Gjyqtarëve, por jo me këtë gjuhë me sovranin, të lutem.
Hoxha: Gjuha ishte me shumë edukatë, në të njëjtin intonacion si ju…
Manja: Shiko, ju nuk mund të interpretoni fjalët e mija, unë kam gjatë durimin sot, edhe si kryetar komisioni, por edhe kolegët e mijë deputet, t’iu dëgjojmë deri në fund. Ju jepni opinionin tuaj se unë nuk orientoj çfarë do të thoni. Unë sot ju kam thirrur për projektligjin, për këtë ishte ndërhyrja ime, ju mund të thoni çfarë të doni, kështu që merrni fjalën, keni të gjithë kohën në dispozicion.
