Buxheti i shtetit ka regjistruar një suficit rekord prej 70.3 miliardë lekësh (rreth 756 milionë euro) në nëntë muajt të...
POLITIKE
Deklarata e fortës e studentit: Më kërkuan 10 mijë euro ryshfet, specializimi i tyre ishte tesera e kuqe
PiranjatPërditësimi i fundit 15 December 2025, 18:55
Nga Foltorja e Pestë e Partisë Demokratike para Kryeministrisë, i riu Eljon Kaja, i diplomuar rishtazi, ka ndarë historinë e tij personale si një pasqyrë e realitetit me të cilin përballen mijëra të rinj në Shqipëri. Ai rrëfeu rrugëtimin e vështirë nga jeta studentore deri te përballja me korrupsionin në kërkim të një vendi pune.
I riu tregoi se kishte ardhur në Tiranë nga rrethet për të ndjekur studimet e larta.
Pavarësisht se ishte një student me mesatare të shkëlqyer, ai deklaroi se nuk kishte përfituar bursë, duke pretenduar se ato u ishin dhënë “miqve të partisë”.
Gjatë pesë viteve të studimeve, sipas tij, kostot e jetesës, përfshirë qiratë, taksat dhe çdo gjë.
Fjalimi i Eljon Kajës
“Mirëmbrëma opozitarë. Sot me ju dua të ndaj realitetin tim dhe të gjithë studentëve që vijnë nga rrethet vetëm në universitetet e Durrësit dhe të Tiranës.
Unë erdha në Tiranë si student. Pavarësisht mesatares së shkëlqyer, nuk përfitova bursë, pasi bursën e përfituan miqtë e partisë.
Për pesë vite si student, çmimet e qirasë, taksave dhe tarifave u pesëfishuan.
Por falë mbështetjes së familjes sime, gjithashtu dhe mundimit tim, duke bërë dy apo tre punë, online, ditën apo natën, ia arrita të mbaroja ato studime. Dhe me krenari, u nisa me një diplomë drejt familjes.
U nisa krenar drejt familjes time që sakrifikuan gjithçka për diplomën time. Dhe kërkova punë në zyrat dhe institucionet e korruptuara të Rilindjes. Por fatkeqësisht aty u përballa
me njerëz me tetëvjeçare, që specializim të tyre kanë teserën e kuqe dhe më kërkuan 5.000 deri në 10.000 euro për një vend pune. Gjë që nuk ka asnjë garanci, pasi drejtorët e korruptuar të Rilindjes vazhdojnë e ndërrohen çdo muaj.
Po ashtu si unë, janë qindra, mijëra e të rinj shqiptarë, që mbarojnë studimet në Tiranë dhe përfundojnë kamerierë ose banakierë.
Sot, unë kam një thirrje për të gjithë, të rinjtë dhe të rejat shqiptare, që ndoshta janë studentë në Tiranë, apo kanë mbaruar studimet, apo i shihni sot çmimet e qirasë në Tiranë?
Apo i shihni taksat dhe tarifat? A ka njeri nga ju që ka mbaruar studimet dhe ka filluar punë në këtë, në këtë qeveri maskarenjsh? Sigurisht që jo. Atëherë çfarë prisni që nuk bashkoheni me ne? Përse rrini tek kafet me njëri-tjetrin
dhe diskutoni duke thënë, këtu nuk shtyhet, këtu nuk kemi të ardhme, këtu duhet të largohemi? Përse nuk bashkoheni me ne? Po ju prindër, që keni sakrifikuar gjithçka për fëmijët tuaj?
Për t'i nisur drejt shkollave? Çfarë prisni që nuk bashkoheni me ne?
Prisni të merrni një rrogë te bashki, apo ditën e votimit të merrni një 200 eurosh të ndarë? Sigurisht që jo, nuk është kjo zgjidhja.
Zgjidhja e vetme është të bashkohemi të gjithë, të bashkohemi për të ardhmen tonë, të ardhmen e fëmijëve tuaj.
Profesor Doktor Sali Berisha, ne demokratët, mbi të gjitha të gjithë shqiptarët të kanë besuar këtë detyrë, për t'i udhëhequr drejt fitores. Ndaj lider historik, më shumë se kurrë, sot nevoja jonë lind t'ju drejtohemi ju, t'ju bëjmë thirrje ju, të na jepni ok-in, të nisemi.
Të nisemi në një bashkim madhështor me çdokush, me çdo çmim, kundër këtyre plehrave. Ne të rinjtë shqiptarë jemi të gatshëm të sakrifikojmë gjithçka, çdo gjë, me çdokush, me çdo çmim për t'u përballur me këto plehra dhe maskarenj, që çdo ditë po na vrasin shpresën dhe ëndrrën tonë”.
