Deputeti i Edi Ramës del hapur në mbështetje të Marin Memës? Postimi i Erion Braçes nxit debat

Një postim i fundit i deputetit socialist Erion Braçe ka ngjallur diskutime në rrjetet sociale, pasi është interpretuar nga shumë ndjekës si një mbështetje e drejtpërdrejtë për Marin Memën në një rol të mundshëm drejtues në politikë.

Braçe ka shpërndarë një poster ku shfaqet Marin Mema përpara flamurit kombëtar, i shoqëruar me mesazhin: “Populli dhe atdheu po të thërrasin në udhëheqje”, ndërsa mbi imazh shkruhet edhe “Koha tani”.

Postimi ka nxitur reagime të shumta, me komentues që e kanë parë si një sinjal politik dhe si mbështetje nga një prej figurave të njohura të Partisë Socialiste për Marin Memën, madje disa e kanë interpretuar si thirrje që ai të marrë një rol të rëndësishëm në drejtimin e vendit.