Deputeti i mazhorancës denoncon prerjen e pyjeve: Nuk kemi ku ankohemi

Një deputet i mazhorancës denoncon në Facebook një problem që, sipas tij, kërkon ndërhyrje të institucioneve shtetërore.

Është ky paradoksi që sjell në vëmendje reagimi i deputetit socialist Fadil Nasufi, një socialist prej vitesh në pushtet , i cili ka zgjedhur këtë herë rolin e “opozitarit”, lidhur me fenomenin shqetësues për prerjen e paligjshme të pemëve në zonën e Tërpanit.

Nasufi shkruan se një banor i zonës i ka dërguar fotografi të pemëve të prera dhe se qytetarët ndihen të pambrojtur. Por ajo që bie më shumë në sy në denoncimin e deputetit është dëshmia e banorit, i cili thotë se “nuk kemi ku ankohemi” dhe se ka frikë të ngrejë zërin, pasi mund të ketë pasoja për të dhe familjen e tij.

Nasufi është prej vitesh pjesë e strukturave drejtuese të Partisë Socialiste dhe ka mbajtur disa mandate si kryetar i Bashkisë Berat, madje është përfolur edhe si pjesë e hetimeve për dosjen e inceneratorëve. Pikërisht këtu lind edhe pyetja, nëse institucionet nuk funksionojnë dhe qytetarët thonë se kanë frikë të ankohen, kujt i drejtohet një deputet i mazhorancës për t’i ndalur këto raste?

Kjo pasi në dukje ky statsus në FB duket më shumë si një apel që tingëllon si deklaratë opozitare sesa si reagim i një deputeti të forcës që qeveris vendin prej vitesh.

Postimi i Nasufit:

Nje banor nga Njesia Administrative e Terpanit me nisi fotot e meposhteme: Si eshte e mundur me tha qe ne mes te dites priten lisa te mocem qe ne si banore i kemi ruajtur prej vitesh si pasuri natyrore?

Nuk kemi ku ankohemi me tha…dhe po ngritem zerin do kemi pasoja….

Prerja ilegale e pyjeve është një nga problemet më serioze mjedisore dhe ekonomike duke shkatërruar ekosistemet e lashta, duke shkaktuar erozion të tokës dhe duke ushqyer rrjete të krimit të organizuar.

Kjo praktikë e paligjshme dëmton rëndë biodiversitetet lokale ,redukton kapacitetet e natyrës dhe nxit kulturen e perfitimeve te paligjeshme nga pasuria shekullore qe ka krijuar natyra dhe e kane ruajtur banoret e zones nder breza.

Nuk eshte thjesht nje rast me shume i prerjes se paligjeshme te drureve , por eshte nje korropsion institucional ku bashkepunojne strukturat shteterore me persona qe ushtrojne aktivitete

ilegale te prerjes se pyjeve…

Trishtohemi prej zjarreve, por duhet te ulerijme ndaj motosharrave ….