Dita e 2 e protestës në Këlcyrë, mungojnë sërish kryebashkiaku dhe kryetari i PS-së/ Qytetarët kërkojnë mbështetje

Për të dytën ditë radhazi, banorët e Këlcyrës, së bashku me punonjës të administratës bashkiake, dolën në shesh për të kundërshtuar propozimin për shkrirjen e Bashkisë Këlcyrë.

Gjatë protestës ata kërkuan mbështetjen e Këshillit Bashkiak dhe i bënë thirrje kryetarit të bashkisë të dalë në shesh dhe të bashkohet me qytetarët.

Ndryshe nga protesta e parë, ku ishte i pranishëm edhe kryetari i PS-së në Këlcyrë, Hodjan Selmani, aktualisht drejtor i Spitalit të Përmetit, i cili reagoi më pas edhe në Facebook, por e fshiu postimin, në protestën e sotme ai nuk ishte i pranishëm.

Ndërkohë, sipas protestuesve, në të dyja protestat kryetari aktual i Bashkisë Këlcyrë, Klemend Ndoni, i ka braktisur administratën dhe qytetarët, duke mos qenë i pranishëm në asnjërën prej tyre.