Dita e 61-të e protestës/ Protestuesi: Shqipëria mund të bëhet dhe shpresojmë që rinia të mos ikë

Një protestues që ka marrë pjesë në ditën e 61-të të revoltës qytetare në kryeqytet ka shprehur mendimin e tij në lidhje me protestën. Në fjalën e tij ai ka thënë se është pjesë e diaporës dhe duke e parë rininë nga syri i tij mendon se ajo duhet të ketë më shumë mbështetje dhe shpresë nga të gjithë.

Pas 30 vite jetesë larg vendit të lindjes ai është i mendimit se jo kushdo largohet me dëshirë nga vendi, dhe shton se shumë bashkëkombës kërkojnë të kthehen në vendin e tyre. Në fund të fjalës së tij ai tregoi se arsyeja e kthimit në Shqipëri, veç shaqeve familjare ka qenë edhe protesta.

“Unë jetoj në Amerikë dhe ajo që më bëjnë përshtypje është se rinia e gjithë mundohet dhe punon, nuk është dembele ashtu siç thonë, t’i japim shpresë, Shqipëria mund të bëhet dhe shpresojmë që rinia të mos ikë. Kam 30 vjet që kam ikur nga Shqipëria, ndoqa familjen, nuk do të thotë të ikin të gjithë.

Ka shumë shqiptarë që duan të kthehen në Shqipëri. Kam ardhur që përveç shkaqeve familjare edhe për protestën. Shpresoj të mblidhemi sa më shumë këtu dhe të vazhdojë. Kanë probleme me ilaçet, shpesh marrin ilaçe të skaduara ose nuk ka specialistët dhe u duhet të dalin jashtë vendit, kështu thonë”, tha ai.